قازاقستاندا ءتورت كۇندىك جۇمىس اپتاسىنا كوشۋ ەرتەرەك - ق ر ۇلتتىق ەكونوميكا ءمينيسترى
«مەنىڭ ويىمشا، دامىپ كەلە جاتقان مەملەكەت رەتىندە ءتورت كۇندىك جۇمىس اپتاسىنا كوشۋ ءالى ەرتەرەك. سوندىقتان دا ءبىز ەڭبەك تۋرالى كودەكسكە جانە زاڭعا سايكەس، سونداي- اق بىزدە بەكىتىلگەن سەگىز ساعاتتان بەس جۇمىس كۇنى ۋاقىتىمەن جىلجيتىن بولامىز. بۇل تەك مەملەكەتتىك ورگاندارعا عانا ەمەس، سونىمەن قاتار جەكە كومپانيالار ءۇشىن دە وڭتايلى ۋاقىت دەپ سانايمىن»، - دەدى مينيستر.
بۇدان بۇرىن حابارلانعانداي، حالىقارالىق ەڭبەك ۇيىمىنىڭ ساراپشىلارى بەس كۇندىكتەن گورى ءتورت كۇندىك جۇمىس اپتاسى اناعۇرلىم قولايلى دەپ سانايدى جانە ەڭبەك ەتۋدىڭ وسى رەجىمىنە كوشۋدى ۇسىندى.
حالىقارالىق ەڭبەك ۇيىمىنىڭ ساراپشىلارى جۇمىس اپتاسىن قىسقارتۋدىڭ پايداسىنا ءوز دالەلدەرىن كەلتىرەدى.
بىرىنشىدەن، بۇل حالىقتىڭ دەنساۋلىعىن تۇزەتۋگە مۇمكىندىك بەرەدى، ويتكەنى قازىرگى زاماندا كوپتەگەن اۋرۋلار جۇمىس ۋاقىتىن ۇنەمى كەڭسەدە وتكىزىپ، كۇيزەلىسكە شالدىعۋ سەبەبىنەن بولىپ وتىر. ەكىنشىدەن، قىسقا اپتا كوبىرەك جۇمىس ورىندارىن اشۋعا مۇمكىندىك بەرەدى.
ۇشنشىدەن، ءارتۇرلى زەرتتەۋلەر ادامدار از جۇمىس جاساسا، نەعۇرلىم ءونىمدى ەڭبەك ەتەتىنىن كورسەتۋدە. ال كەڭسەدە ۇازق ساعاتتار بويى جۇمىس جاساعاندار كوبىنە قاۋىرت قىزمەت ىستەگەندەي بولىپ كورىنەدى. ال ەندى تاعى ءبىر زەرتتەۋلەردە اپتانىڭ ءتورت كۇنىندە عانا جۇمىس جاساعان ادامدار وزدەرىن باقىتتى، ومىرگە قاناعاتتانعان كۇيدە سەزىنەدى.
ەندى اقىرىندا، قازىرگى زامانداعى ەڭ دالەلدى ءۋاج: جۇمىس اپتاسىنىڭ ءبىر كۇنىنەن باس تارتۋ قورشاعان ورتاعا دا وڭ اسەر ەتەدى، ادامداردىڭ جۇمىسقا بارۋ- كەلۋى اپتاسىنا بىرنەشە ميللياردقا ازايادى.
اۆتور: رۋسلان عابباسوۆ
