ۋكراينادا اپاتقا ۇشىراعان مالايزيالىق ۇشاقتىڭ جولاۋشىلارى بىردەن جان تاپسىرماعان
«سىزدەر قازا بولعاندارىڭ ءبىرىنىڭ بەتىندە كيسلورود ماسكاسى بولعانىن بىلەسىزدەر. ياعني، ونىڭ مۇنى جاسايتىن ۋاقىتى بولعان. ءبىز وسىنى ەستەن شىعارماۋىمىز كەرەك»، - دەپ مالىمدەدى نيدەرلاندى س ءى م باسشىسى فرانس تيممەرمانس.
وسىعان دەيىن ساراپشىلار ۋكراينادا اپاتقا ۇشىراعان مالايزيالىق لاينەردىڭ بورتىندا بولعاندار بىردەن ءتىل تارتپاي كەتكەن دەپ مالىمدەگەن بولاتىن.
ايتا كەتەيىك، Malaysia Airlines اۋە كومپانياسىنىڭ امستەردام- كۋالا- لۋمپۋر باعىتى بويىنشا ۇشىپ كەلە جاتقان Boeing-777 اۋەلاينەرى ۋكراينانىڭ شىعىسىندا اپاتقا ۇشىراعان بولاتىن. ونىڭ بورتىندا 298 ادام بولعان، ولاردىڭ ءبارى قازا بولدى. اپاتقا بايلانىستى تەرگەۋ نيدەرلاندى باسشىلىعىمەن جۇرگىزىلىپ جاتىر. ەلدىڭ قاۋىپسىزدىك كەڭەسىنىڭ اپاتتى تەرگەۋ بويىنشا الدىن- الا بايانداماسىنىڭ ماتىنىنە ساي، ۇشاق تەحنيكالىق تۇرعىدا دۇرىس بولعان جانە اۋادا سىرتتان بولعان ارەكەتتىڭ سالدارىنان قۇلاعان.
