ەربولات دوسايەۆ: قازاقستاندا تەڭگەنىڭ قۇنسىزدانۋى بولمايدى

استانا. قازاقپارات - قازاقستاندا تەڭگە ديەۆالۆاتسياسى بولمايدى. بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق ەكونوميكا ءمينيسترى ەربولات دوسايەۆ مالىمدەدى.

«ءبىز رەسەي ەكونوميكاسى اينالاسىندا ءوربىپ وتىرعان احۋالدى تىڭعىلىقتى باقىلاپ وتىرمىز. بولجامدار وزگەردى، سەبەبى، ولار بيىل ەكونوميكا ءوسىمىن 0,6 پايىزعا مەجەلەگەن ەدى، الايدا سوڭعى ۋاقىتتا كوپتەگەن حالىقارالىق قارجىلىق ۇيىمدار ءوسىم دەڭگەيى تومەن بولاتىندىعىن ايتۋدا.

 وسى ورايدا بيىل ءوسىم 0,4 پايىز بولۋى مۇمكىن جانە الداعى 2015 - جىلى 1,1 پايىز دەڭگەيىندە قالىپتاسۋى ىقتيمال. بۇگىندە ۇكىمەتپەن بىرگە الدىن الۋ شارالارىن جۇرگىزىپ جاتىرمىز. بۇل شارالار رۋبل قاي جاققا قاراي جانە قانداي مولشەردە نىعاياتىندىعىن نەمەسە بوساڭسيتىنىن ءتۇسىنۋ ءۇشىن جۇرگىزىلۋدە»، - دەدى ە. دوسايەۆ.

ءسوز سوڭىندا مينيستر ديەۆالۆاتسيا بولمايتىندىعىن تاعى ءبىر اتاپ ءوتتى.

اۆتور: رۋسلان عابباسوۆ