11:06, 09 - قازان 2014 | GMT +5
گەننادي گولوۆكين جانكۇيەرلەرىنە قانداي سىي دايىنداپ وتىرعانىن ايتتى
استانا. قازاقپارات - 18- قازاندا ا ق ش-تىڭ كاليفورنيا شتاتىنىڭ كارسون قالاسىندا (WBA (Super نۇسقاسى بويىنشا ورتا سالماقتاعى الەم چەمپيونى، 32 جاستاعى قازاقستاندىق بوكسشى گەننادي گولوۆكين مەكسيكالىق ماركو انتونيو رۋبيومەن كەزدەسەدى، دەپ جازادى sports.kz.
گولوۆكين بىرنەشە جىلدان بەرى ابەل سانچەستىڭ جەتەكشىلىگىمەن جاتتىعىپ كەلەدى جانە كاليفورنيا شتاتىندا ءبىرىنشى رەت جۇدىرىقتاسقالى تۇر.
«مەن باسقا بوكسشىلاردىڭ StubHub Center- دا وتكەن كەزدەسۋلەرىندە كوپ بولدىم. جانە ءار كەزدەسۋ سايىن جانكۇيەرلەردىڭ ماعان دەگەن قولداۋلارى ارتا ءتۇستى. لوس-اندجەلەستە دە سولاي. سوندىقتان دا ماركو انتونيو رۋبيومەن وتەتىن كەزدەسۋ بۇل - وڭتۇستىك كاليفورنياداعى مەنىڭ بارلىق جانكۇيەرلەرىمە دەگەن سىيىم. مەن 18- قازاندا StubHub Center- دە جۇدىرىقتاساتىنىما وتە قۋانىشتىمىن. ونى كەلىپ كورەتىندەر مەن تەلەديداردان تاماشالايتىندارعا ۇلكەن شوۋ بولادى دەپ ۋادە بەرەمىن»، - دەگەن گولوۆكيننىڭ ءسوزىن BoxingScene.com. كەلتىرەدى.
