ەۋرازيالىق ەكونوميكالىق ينتەگراتسياعا قىزىعۋشىلىق ارتىپ وتىر - ە. دوسايەۆ
«ەۋرازيالىق ينتەگراتسيالىق پروتسەستەر كوپتەگەن ەلدەردىڭ قىزىعۋشىلىعىن تۋعىزۋدا. قازىرگى كەزەڭدە ارمەنيا مەن قىرعىزستان ينتەگراتسيالىق ۇيىمعا قوسىلۋدىڭ بەلسەندى ساتىسىندا. ءۇندىستان، ۆەتنام، ەگيپەت، تۇركيا، يران سياقتى ەلدەر، ەۋروپالىق ەركىن ساۋدا قاۋىمداستىعىنىڭ مەملەكەتتەرى، سونىڭ ىشىندە يسلانديا، نورۆەگيا، شۆەيتساريا مەن ليحتەنشتەين كەدەن وداعى ەلدەرىمەن ەركىن ساۋدا ايماعىن قۇرۋعا مۇددەلىلىكتەرىن ءبىلدىردى»، - دەدى ەربولات دوسايەۆ.
ءمينيستردىڭ ايتۋىنشا، ەۋرازيالىق ەكونوميكالىق وداق قازاقستان ەكونوميكاسىنىڭ تولىق كولەمدە دامۋى ءۇشىن جاڭا پەرسپەكتيۆالار اشادى. «ەۋرازيالىق ينتەگراتسيا ەۋروپا ەلدەرىن، ورتالىق جانە وڭتۇستىك شىعىس ازيا مەملكەتتەرىن قوسا العاندا ەۋرازيا ءوڭىرىنىڭ بارلىق ەلدەرىنىڭ ەكونوميكالىق كووپەراتسياسى ءۇشىن ۇلكەن مۇمكىندىكتەر اشاتىنىنا سەنىمدىمىن»، - دەدى مينيستر دوسايەۆ.
اۆتور: قانات مامەتقازى ۇلى
