قازاقستاندىقتاردى «نۇر وتان» پارتياسى سىبايلاس جەمقورلىق جايلى ايتۋدان قورىقپاۋعا شاقىرادى
«ەگەر سىزدەردىڭ ەستەرىڭىزدە بولسا، 2008 -جىلى سىبايلاس جەمقورلىققا قارسى باعدارلاما قابىلداندى، جانە سول جىلعا دەيىن جوعارى بيلىكتە ادامنىڭ كوڭىلىنە قاراماي سىبايلاس جەمقورلىقپەن كۇرەسۋ دەگەن بولمادى. سىزدەردىڭ دە، ءبىزدىڭ دە، بيزنەستىڭ دە نەگىزگى مىندەتىمىز ونى اشىق تۇردە مويىنداۋ ءۇشىن ازاماتتارىمىزدىڭ بۇل تۋرالى ايتۋدان قورىقپاۋى بولاتىن»، - دەدى ول بۇگىن «نۇر وتان» پارتياسىنىڭ 2015-2025 - جىلدارعا ارنالعان سىبايلاس جەمقورلىققا قارسى باعدارلامانى تالقىلاۋ بويىنشا قازاقستان ازاماتتىق اليانسى ۇيىمداستىرعان دوڭگەلەك ۇستەل بارىسىندا.
ونىڭ سوزىنە قاراعاندا، بۇگىندە قازاقستان حالقىنىڭ 60 پايىزعا جۋىعى سىبايلاس جەمقورلىقپەن تەك مەملەكەت كۇرەسۋ كەرەك دەپ سانايدى.
«بارىمىزگە تەك پرەزيدەنت، مەملەكەت، ءتىپتى باسقارۋشى پارتيانىڭ تۇبەگەيلى تۇردە سىبايلاس جەمقورلىق دەڭگەيىن تومەندەتۋگە قاۋقارسىز ەكەنىن ءتۇسىنۋ كەرەك. مۇنى الەمنىڭ دامىعان ەلدەرىنىڭ تاجىريبەسى دە كورسەتىپ وتىر»، - دەپ قوستى ول.
