08:25, 09 - قازان 2014 | GMT +5
ۋكرايندىقتار قازاقستان ءسۇت ونىمدەرىنە قىزىعۋشىلىق تانىتىپ وتىر
پەتروپاۆل. قازاقپارات - ءبىز قازاقستاندى ءسۇت وڭدەۋ، جوعارى ساپالى ىرىمشىك ءوندىرىسىنىڭ پلاتفورماسى رەتىندە قاراستىرامىز، دەپ اتاپ ءوتتى ۋكراينا ءسۇت وندىرۋشىلەرى قاۋىمداستىعىنىڭ ۆيتسە-پرەزيدەنتى سولتۇستىك قازاقستان وبلىسىنىڭ اكىمىمەن كەزدەسۋ بارىسىندا.
ءوڭىر باسشىسى ەرىك سۇلتانوۆ سولتۇستىك قازاقستان رەسپۋبليكادا جەتەكشى ورىن الاتىنىن مالىمدەدى. وبلىستا جالپى قۋاتى جىلىنا 272 مىڭ ليتر ءسۇت وڭدەيتىن 19 زاۋىت جۇمىس ىستەيدى.
«سىزدەردىڭ ساپارلارىڭىز ارقىلى العاشقى قادامدار جاسالدى. ەكى تاراپتىڭ كومپانيالارى بىرلەسكەن جوبالاردى جۇزەگە اسىرۋعا جانە ىنتىماقتاستىققا دايىن»، - دەپ اتاپ ءوتتى ە. سۇلتانوۆ.
