قىتايداعى تابيعات اپاتىنان بەس ادامنىڭ ءومىرى قيىلدى
قيراتۋلاردان كەلىتىرىلگەن زالال 300 ميلليون دوللارعا باعالانىپ وتىر.
كەشە وڭتۇستىك-باتىستاعى قىتايلىق يۋننان پروۆينسياسى 6,6 باللدىق جەر سىلكىنىسىنەن زارداپ شەكتى. جەراستى دۇمپۋلەرى پروۆينتسيانىڭ استاناسى - كۋنميڭدە جانە ءىرى قالالاردا سەزىلدى. ءزىلزالا كىندىگى ءوزىنىڭ شاي داستۇرلەرىمەن تانىمال پۋەر قالاسىنان 85 شاقىرىم جەردە بولدى. حالقى تىعىز، تەحنولوگيالىق جاعىنان دامىماعان ايماقتا نەگىزىنەن ۇلتتىق ازشىلىق وكىلدەرى تۇرادى.
قۇتقارۋ جۇمىستارىنا قىتاي ارمياسىنىڭ 3200 ساربازى، 800 ءورت ءسوندىرۋشى جانە قىزمەتتىك يتتەر قاتىستىرىلۋدا.
بۇل جەر ءۇندىستان مەن ەۋرازيالىق تەكتونيكالىق جەراستى قىرتىستارىنىڭ تۇيىسكەن جەرى بولعاندىقتان سەيسميكالىق بەلسەندىلىگى جوعارى بولىپ كەلەدى. تامىز ايىندا دا وسىندا كۇشى 6,1 باللدىق جەر سىلكىنىسى بولىپ، 600 دەن استام قىتايلىقتاردىڭ ءومىرىن قيىپ كەتكەن بولاتىن.
