10:34, 10 - قازان 2014 | GMT +5
پان گي مۋن: ب ۇ ۇ بۇكىل الەمدە ءولىم جازاسىن توقتاتۋعا قول جەتكىزەدى
استانا. قازاقپارات - 10 - قازاندا اتالىپ وتىلەتىن دۇنيەجۇزىلىك ءولىم جازاسىنا قارسى كۇنى قارساڭىندا جولداعان ۆيدەوۇندەۋىندە ب ۇ ۇ باس حاتشىسى پان گي مۋن بارلىق مەملەكەتتەردى ءولىم جازاسىنان باس تارتۋعا نەمەسە ءولىم جازاسىنىڭ ورىندالۋىنا موراتوري ەنگىزۋگە شاقىردى، دەپ جازادى روسبالت.
پان گي مۋن 7 جىل بۇرىن ب ۇ ۇ باس اسسامبلەياسى ءولىم جازاسىنا موراتوري ەنگىزۋ تاجىريبەسىن كەڭەيتۋ رەزوليۋتسياسىن قابىلداعاننان كەيىن ءبىرقاتار مەملەكەت مۇنداي جازا قىلمىس دەڭگەيىنىڭ تومەندەۋىنە اكەلمەيتىنىن مويىنداعانىن اتاپ ءوتتى.
ب ۇ ۇ باسشىسى ادامنىڭ ءومىر ءسۇرۋ قۇقى بار ەكەنىن ايتا كەلە، بۇل جازانىڭ ورىندالۋى كەزىندە سوت جۇيەسىنىڭ كەز كەلگەن قاتەسى ورنى تولماس قايعىعا سوقتىراتىنىن اتاپ ءوتتى، دەپ حابارلادى ب ۇ ۇ اقپارات ورتالىعى.
ب ۇ ۇ باس حاتشىسى فاكۋلتاتيۆتى حاتتامانى راتيفيكاتسيالاماعان مەملەكەتتەردى بۇل ءىستى تەزدەتۋگە شاقىردى. ول بيىل 15 - جەلتوقساندا بۇل حاتتامانىڭ 25 جىلدىعى (1989 - جىلدان بەرى) تويلاناتىنىن اتاپ ءوتتى.
