استانالىق پوليتسيا كولىك توناماق بولعان قىلمىسكەردى قۇرىقتادى
بۇل تۋرالى قالالىق ىشكى ىستەر دەپارتامەنتى باسپا ءسوز قىزمەتىنەن حابارلاندى.
«7 - قازان كۇنى استانا قالالىق ىشكى ىستەر دەپارتامەنتى جەدەل باسقارۋ ورتالىعىنىڭ وپەراتورى شامامەن تۇنگى ساعات 12 كەزىندە بارايەۆ كوشەسىنىڭ اۋلاسىندا تۇرعان «گازەل» اۆتوكولىگىن اشپاق بولعان كۇدىكتى ەر ادامدى بايقاپ قالعان. مەكەنجاي بويىنشا جول- پاترۋلدىك پوليتسياسىنىڭ ەكيپاجى وقيعا ورنىنا جەتىپ، قىلمىس جاساعان 32 جاستاعى ەر ادامنىڭ ۇستىنەن تۇسكەن. كۇدىكتى دەرەۋ قاماۋعا الىنىپ، وعان قاتىستى تەرگەۋ امالدارى جۇرگىزىلۋدە»، - دەلىنگەن باسپا ءسوز بايانىندا.
توقتالا كەتەتىن جايت، جىل باسىنان بەينەباقىلاۋ جۇيەسى ارقىلى جەدەل باسقارۋ ورتالىعىنىڭ قىزمەتكەرلەرى 263 قىلمىستىڭ بەتىن اشقان. سونىڭ 35 مىڭنان استامى اكىمشىلىك قۇقىق بۇزۋشىلىققا قاتىستى بولىپ وتىر.
اۆتور: قانات مامەتقازى ۇلى
