قىزىلوردا كونە تۇركى ونەرىنىڭ ورداسىنا اينالدى

قىزىلوردا. قازاقپارات - بۇگىن قىزىلوردادا «قورقىت جانە ۇلى دالا سازى» حالىقارالىق ءداستۇرلى مۋزىكالىق ونەر فەستيۆالى سالتاناتتى تۇردە اشىلدى، دەپ حابارلادى وبلىس اكىمدىگىنىڭ باسپا ءسوز قىزمەتىنەن.

وزبەك، تاتار، باشقۇرت، تۇرىك، ازەربايجان ەلىنەن كەلگەن 36 ونەرپاز بەن ونەر ۇجىمدارى 2 كۇن بويى ءداستۇرلى مۋزىكالىق اسپاپتاردا ويناپ، ءوز ونەرلەرىن كورسەتەدى.

بۇل فەستيۆال ءۇش جىلدا ءبىر رەت قورقىت اتانىڭ تۋعان جەرىندە ءوتىپ تۇرادى. حالىقارالىق شاراعا اقىن، جازۋشىلار، تۇركسوي ۇيىمىنىڭ وكىلدەرى، عالىمدار كەلدى.

- ەلىمىز دامىعان سايىن ءتۇپ-تامىرىمىز بەن ءتول تاريحىمىزعا دەگەن قىزىعۋشىلىق ارتا تۇسۋدە. قورقىتتاي ۇلى بابامىزدى ۇلىقتاپ، مىناداي حالىقارالىق شارا وتكىزۋىمىز ەلباسىنىڭ سارابدال ساياساتىنىڭ ارقاسى. قازىرگى تاڭدا قورقىت اتانىڭ مەموريالى قايتا سالىنىپ جاتىر. بۇل - وتكەنىمىزگە دەگەن قۇرمەت. تۇركى جۇرتىنا ورتاق تۇلعانى ۇلىقتاۋعا كەلگەن بارشا قوناقتارعا العىسىم شەكسىز» - دەدى ايماق باسشىسى ق. كوشەربايەۆ فەستيۆالدىڭ اشىلۋ سالتاناتىندا.

قورقىتتىڭ ويشىلدىعىن، دانالىعىن، ونەرىن تۇركىتىلدەس ەلدەر ونەگە تۇتادى. حالىقارالىق عىلىمي- تەوريالىق كونفەرەنتسيادا الەمنىڭ ءار تۇكپىرىنەن كەلگەن 30 عا جۋىق عالىم قورقىت پەن تۇركى مادەنيەتىن ءسوز ەتتى.

اۆتور: ەلۋباي اۋەزوۆ