عابيت پەن مۇحتاردىڭ جەڭىسى
وسى جارىس بارىسىندا قوس جەرلەسىمىز عابيت يگەنباي مەن مۇحتار ەسەنعوس ۇلى كۇمىس مەدالدى مويىندارىنا ءىلدى.
دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ اشىلعانىنا اسا كوپ ۋاقىت بولا قويعان جوق. سوعان قاراماستان بۇل ۇيىم وقۋ-جاتتىعۋ جيىندارىن جۇيەلى تۇردە ۇيىمداستىرىپ، مۇگەدەك سپورتشىلاردىڭ حالىقارالىق جارىستارعا بابىندا بارۋىنا سەپتىگىن تيگىزۋدە.
الەم چەمپيوناتى قارساڭىندا ارنايى قارجى ءبولىنىپ، الماتىدا ەكى رەت وقۋ-جاتتىعۋ جيىنى ۇيىمداستىرىلدى. بالۋاندار العاشقىدا الاتاۋدىڭ بيىگىندە دەنە كۇشىن نىعايتۋ جاتتىعۋلارىن وتكىزسە، ەكىنشى مارتە بوز كىلەمدە بەلدەسىپ، ءوز دايىندىقتارىن جەتىلدىردى.
ساپالى وتكەن بۇل وقۋ-جاتتىعۋ جيىنى ءوز ناتيجەسىن بەرۋدە.
اتاپ ايتساق، وسى ورتالىق اتىنان ارمەنيانىڭ استاناسىنا ەكى باپكەر مەن توعىز بالۋان اتتاندى. جەرلەستەرىمىزدىڭ العاشقى قادامدارى ءساتتى بولىپ، تۇڭعىش رەت ۇيىمداستىرىلىپ وتىرعان الەم چەمپيوناتىنىڭ قوس كۇمىس مەدالى قازاق ەلىنىڭ ەنشىسىنە بۇيىردى.
قازىرگى كەزدە ەكى بىردەي شاكىرتى جۇلدەگەر اتانعان جاس باپكەر ەرلان مۇقاجانوۆ باۋىرىمىز بوركىن اسپانعا اتىپ قۋانۋدا. بايراقتى باسەكەدە ۇلتتىڭ نامىسىن قولدان بەرمەگەن مۇحتار مەن عابيتتىڭ بوز كىلەمدەگى مەرەيلى جەڭىستەرى جالعاسىن تابا بەرگەي دەپ تىلەيمىز. ەندى ەركىن كۇرەس شەبەرلەرى ءوز جارىستارىن باستايدى. ەرنازار قونىسبايەۆ باپتاعان ءۇش بالۋانىمىز بۇگىن بوز كىلەمگە شىعادى.
دايىنداعان عالىم سۇلەيمەن
«ايقىن»
