قورعانىس ونەركاسىبى كەشەنى بويىنشا يسپاندىق تاراپپەن ىنتىماقتاستىق تابىستى ءجۇرىپ جاتىر - س. احمەتوۆ

استانا. قازاقپارات - بۇگىن ق ر قورعانىس ءمينيسترى سەرىك احمەتوۆ قازاقستان رەسپۋبليكاسىنداعى يسپانيا كورولدىگىنىڭ توتەنشە جانە وكىلەتتى ەلشىسى مانۋەل لارروتچا پارادامەن كەزدەستى.

قورعانىس ءمينيسترى وتكەن جىلى قول قويىلعان اسكەري جانە اسكەري- تەحنيكالىق ىنتىماقتاستىق تۋرالى مەموراندۋم اسكەري سالاداعى ءوزارا ءىس- قيمىلدى ودان ءارى نىعايتۋ ءۇشىن قاجەتتى نورماتيۆتى- قۇقىقتىق نەگىزدى قامتاماسىز ەتەدى دەپ ەسەپتەيدى.

«كەزدەسۋ بارىسىندا قازاقستان مەن يسپانيا اراسىنداعى ەكىجاقتى، ونىڭ ىشىندە اسكەري جانە اسكەري- تەحنيكالىق سالاداعى قارىم- قاتىناستى ودان ءارى دامىتۋ ماسەلەلەرى تالقىلاندى. س. احمەتوۆ ق ر قورعانىس مينيسترلىگىنىڭ قورعانىس ونەركاسىبى كەشەنى باعىتىنداعى يسپاندىق تاراپپەن ىنتىماقتاستىقتىڭ تابىستىلىعىن اتاپ ءوتتى»، - دەلىنگەن اتالعان ۆەدومستۆونىڭ باسپا ءسوز قىزمەتى تاراتقان مالىمەتتە.

اۆتور: رۋسلان عابباسوۆ