ەرلان ىدىرىسوۆ ەۋرو وداق پەن قازاقستان اراسىنداعى جاڭا كەلىسىمنىڭ وزگەشەلىكتەرى تۋرالى ايتىپ بەردى

بريۋسسەل. قازاقپارات - قازاقستان پرەزيدەنتى نۇرسۇلتان نازاربايەۆتىڭ بەلگياعا ساپارى جانە ونىڭ ەۋرو كوميسسيا ءتوراعاسى جوزە مانۋەل بارروزۋمەن كەزدەسۋىنىڭ قورىتىندىلارى بويىنشا ق ر سىرتقى ىستەر ءمينيسترى ەرلان ىدىرىسوۆ قازاقستاندىق جۋرناليستەرگە ق ر مەن ە و اراسىنداعى كەڭەيتىلگەن ارىپتەستىك پەن ىنتىماقتاستىق جونىندەگى جاڭا كەلىسىمنىڭ قازىرگى كەزدەگى تاراپتار اراسىنداعى قولدانىستاعى بازالىق كەلىسىمنەن ەرەكشەلىكتەرى تۋرالى ايتىپ بەردى.

«قازىرگى ساپار ءبىزدىڭ ەكىجاقتى قاتىناستارىمىزداعى وتە ماڭىزدى وقيعا بولدى. قازاقستان پرەزيدەنتى مەن ەۋرو كوميسسيا باسشىسى ق  ر مەن ە و اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىم جاساسۋ جونىندەگى قازاقستان مەن ەۋروپالىق كوميسسيا اراسىنداعى كەلىسسوزدەردىڭ اياقتالعانىن رەسمي جاريا ەتتى»، - دەدى ق ر س ءى م  باسشىسى.

 ە. ىدىرىسوۆتىڭ ايتۋىنشا، ق ر مەن ە و اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى قازىرگى كەلىسىمنىڭ وزگەشەلىگى سوندا، الەم 1990 - جىلدارداعى تاراپتار اراسىنداعى العاشقى كەلىسىمگە قول قويىلعاننان بەرى وزگەردى. «ول 10 جىلعا ەسەپتەلگەن بولاتىن. 2009 - جىلى بۇل كەلىسىم ءوزىنىڭ كۇشىن توقتاتتى دەۋگە بولادى، ءبىراق تا ول ەكى تاراپتىڭ كەلىسىمىمەن ۇزارتىلدى جانە 2011 - جىلى ءبىز جاڭا كەلىسىم بويىنشا ناقتى بەلسەندى كەلىسسوزدەردى باستادىق»، - دەپ اتاپ ءوتتى ق ر سىرتقى ىستەر ءمينيسترى.

 ق ر س ءى م  باسشىسىنىڭ اتاپ وتۋىنشە، جاڭا كەلىسىمنىڭ ماعىناسى سوندا، ول الەمدە جانە ءبىزدىڭ ايماعىمىزدا بولعان وراسان زور وزگەرىستەردى ەسكەرگەن. ونىڭ باستى ءمانىسى كەلىسىم ءبىز ءۇشىن جانە ەۋروپالىق كوميسسيا ءۇشىن جاڭا ماڭىزعا يە»، دەدى ە. ىدىرىسوۆ.

كەلىسىم تاقىرىبى جاعىنان، ول قامتىعان تاقىرىپتاردىڭ سانى جاعىنان قۇجات ءبىرىنشى كەلىسىمگە قاراعاندا الدەقايدا كەڭ. ساياسي ديالوگ فورماتى، قۇقىقتىق ىنتىماقتاستىق جونىندەگى ديالوگ، ءبىلىم، عىلىم جانە جاڭا تەحنولوگيالار، كوممەرتسيالىق قاتىناستار سالاسىنداعى ءوزارا ءىس- قيمىل ەلەۋلى تەرەڭدەتىلگەن.

«وسى كەلىسىمنىڭ ساۋدا بولىگى ەلەۋلى تۇردە جاڭارتىلعانىن ەرەكشە اتاپ وتكىم كەلەدى جانە ول قازىرگى شىندىققا عانا جاۋاپ بەرىپ قويمايدى، بولاشاققا دا كوز تاستايدى. تۇتاستاي العاندا، ق ر مەن ە و اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى جاڭا كەلىسىم ستراتەگيا-2050  اۋقىمىندا الدا تۇرعان ءىرى مىندەتتەردى جۇزەگە اسىرۋ جاعىنان ەۋروپا مەن قازاقستاننىڭ ءوزارا ءىس- قيمىلى ءۇشىن جاڭا كەڭىستىك اشاتىنىن ايتقىم كەلەدى»، - دەپ اتاپ ءوتتى ە. ىدىرىسوۆ.

 ق ر س ءى م باسشىسى ءبىرىنشى كەلىسىمدى قولدانۋ اۋقىمىندا قازاقستان مەن ەۋروپا اراسىنداعى ساۋدا 10 ەسە ۇلعايعانىن، قازاقستانعا ەۋروپالىق ەلدەردەن كەلىپ تۇسكەن ينۆەستيتسيالار كولەمى 13 ەسە ۇلعايعانىن اتاپ كورسەتتى. «ياعني، نەعۇرلىم كەڭەيتىلگەن اۋقىمى، قىزمەتتەر مەن تاقىرىپتاردى قامتۋى جاعىنان بۇرىنعىدان دا كەڭەيە تۇسكەن جاڭا كەلىسىم الدەقايدا ۇلكەن ناتيجەلەر اكەلەدى دەپ كۇتەمىز»، - دەپ تۇيىندەدى ءسوزىن ق ر سىرتقى ىستەر ءمينيسترى ە. ىدىرىسوۆ.