بەلارۋس پرەزيدەنتى رەسەيدىڭ كەيبىر اۋماعىن قازاقستانعا قايتارۋدى تالاپ ەتتى
ەگەر تاريحي تۇرعىدا قىرىم رەسەيدىڭ جەرى بولعان دەسەك، رەسەيدىڭ دە ءبىراز ايماعى كەزىندە قازاقتارعا قاراعان دەيدى ول «Euronews» تىلشىسىنە بەرگەن سۇحباتىندا.
«كوبىسى قىرىم كەزىندە ۋكرايناعا زاڭسىز كەتكەن، نەگىزىندە بۇل رەسەي تەرريتورياسى دەپ ايتۋدا. بۇل دۇرىس ەمەس. ەگەر بۇل نەگىزگە سۇيەنەتىن بولساق، وندا باتىۋ حان داۋىرىنە ورالايىق تا، قازاقستان، موڭعوليا جانە تاعى باسقالارعا رەسەيدىڭ ءبىرشاما اۋماعىن قايتارىپ بەرەيىك. شىعىس ەۋروپاعا دا بەرۋ قاجەت. ارينە، بەلورۋسسيادان باسقالارعا. ويتكەنى، ولار بىزگە تيىسكەن جوق»، - دەدى لۋكاشەنكو.
لۋكاشەنكو جۋرناليست سەردجيو كانتونمەن اراداعى اڭگىمەدە سونداي- اق، رەسەي مەن ۋكراينا اراسىنداعى داۋعا نۇكتە قويۋ جولىن دا ۇسىنىپ وتىرعانىن جەتكىزدى. ءبىراق ازىرگە وعان تاراپتار قارسى دا بولماپتى، قولداۋ دا بىلدىرمەگەن. دەسە دە لۋكاشەنكو كورشىلەرىنىڭ اراسىندا بەيبىتشىلىك ورناۋى ءۇشىن بار كۇشىن سالماق نيەتتە ەكەن. سونداي- اق، ءوز ەلى ءۇشىن دە ساياسي شيلەنىستىڭ اسەرى بولادى دەگەن قورقىنىشىنىڭ دا بارىن جاسىرمادى. سوندىقتان بەلارۋس باسشىسى، استارلاپ بولسا دا، ارىپتەسى ۆلاديمير پۋتيندى اقىلعا كەلۋگە شاقىرىپ وتىر. جالپى، ول قىرىمنىڭ رەسەيگە ءوتىپ كەتكەنىن قولدامايدى.
كەدەن وداعىنا قابىلدانعان سوڭ، بەلورۋسسيا مەن قازاقستان رەسەيدىڭ جاقىن وداقتاستارى سانالادى. الايدا، مينسك پەن استانانىڭ قىرىمعا قاتىستى تاۋەلسىز كوزقاراستارىن ءبىلدىرىپ، ماسكەۋدەن الشاقتاپ تۇراتىنى راس.
سونىمەن قاتار، لۋكاشەنكو نوۆوروسسيانى دەربەس ەل رەتىندە مويىنداۋ تۋرالى يدەيانى قولدامايتىنىن ايتتى.
«ءبىز ەشكىمدى مويىندامايمىز. بۇل زاڭسىز مەملەكەت، زاڭسىز اۋماق. ول جاقتا سوعىس ءجۇرىپ جاتىر. ءبىز بۇل پروتسەستەرگە ارالاسۋىمىز كەرەك پە؟ »، - دەپ لۋكاشەنكو دونەتسك جانە لۋگانسك حالىق رەسپۋبليكالارى جايىنداعى ويىن دا ءبىلدىردى.
www.ktk.kz
