گيتلەر پەرۋ پروۆينتسيالارىنىڭ بىرىنە مەر بولدى

استانا. قازاقپارات - پەرۋدە يسلاي پروۆينتسياسىنىڭ ءمەرى بولۋعا ۇمىتكەر ريچارد گيتلەر ەسىمدى ازامات جەرگىلىكتى سايلاۋدا جەڭىپ شىقتى، - دەپ حابارلايدى ر ي ا-نوۆوستي.

ول 47 پايىز داۋىس جيناپ، جەڭىسكە جەتتى. گيتلەر «يسلاي ينتەگراتسياسى» قوزعالىسىنان سايلاۋعا ءتۇسىپ، سولشىل ۇلتشىلداردان قولداۋ تاپقان. ول سايلاۋ ناۋقانىندا تاۋ-كەن ءىسى سەكىلدى الىپ كاسىپورىندار ونەركاسىبىن وركەندەتۋدىڭ جوسپارىن قۇرعان.

ءبىلىمى بويىنشا حيميك گيتلەر الە كرۋس 2015-جىلدىڭ 1- قاڭتارىنان باستاپ يسلاي پروۆينتسياسىنىڭ استاناسى مولەندو قالاسىنىڭ ءمەرى بولادى. 2007-جىلدان بەرى ول بيلىكتە قىزمەت ەتىپ كەلەدى (ول قاتارىنان ەكى مەرزىم اتالمىش پروۆينتسيانىڭ دين-ۆالديۆيا اۋدانىنىڭ باسشىلىعىنا سايلانعان).

پەرۋدە وتكەن جەكسەنبىدە جەرگىلىكتى جانە اۋماقتىق سايلاۋ ءوتتى، وعان شامامەن 21 ميلليون ادام قاتىسقان. پەرۋ سايلاۋىندا داۋىس بەرى مىندەتتى بولىپ سانالادى. ەگەر ازاماتتار سايلاۋ ۋچاسكەسىنە كەلمەيتىن بولسا، وندا ولار شامامەن 60 دوللار كولەمىندە ايىپپۇل تولەيدى.

Tengrinews.kz