گيننەس رەكوردتار كىتابىنا ەنگەن سوڭعى رەكوردتار. جالعاسى- فوتو
9. ەڭ ۇلكەن موتوتسيكل
سالماعى 5 تونناعا جەتەتىن موتوتسيكلدى يتالياندىق ديزاينەر فابيو رەدجياني جاساپتى. ول ءوزىنىڭ تۋىندىسىن قاراپايىم موتوتسيكلدەن 6 ەسە ۇلكەيتىپ جاساعان. ونىڭ بيىكتىگى 5,10 مەتر. جاڭا رەكوردتىق موتونى جەتى جىگىت جەتى اي بويى قۇراستىعان.
10. قوزعالا الاتىن ەڭ كىشكەنە كولىك
63 سانتيمەترلىك اۆتوموبيلدى امەريكالىق وستين كوۋلسون قۇراستىرعان. ويىنشىق ءتارىزدى دەمەسەڭىز، كولىك جۇرۋگە ءتيىمدى، رەسمي تۇردە تىركەلگەن. ءتىپتى، ساعاتىنا 53 شاقىرىمعا دەيىن جەتە الادى ەكەن.
11. ەڭ ۇلكەن سوقپالى مۋزىكالىق اسپاپتار جيناعى
سوقپالى مۋزىكالىق اسپاپتاردىڭ بيىكتىگى 6,4 مەترگە جەتىپ، ال ەنى 8 مەتردى قۇرايدى. بۇل يدەيانى اۋستريالىق Drumartic توبىنىڭ ەنتۋزياستارى جۇزەگە اسىرعان.
12. ەڭ الاسا ەسەك
الەمدەگى ەڭ الاسا بويلى ەسەك جەرورتا تەڭىزى جاعالاۋىنىڭ تۋماسى ەكەن. KneeHi لاقاب اتىنا يە بولعان ەسەك 6 جاسقا تولسا دا، بويى 64 س م- دەن اسپاعان.
13. ەڭ ۇلكەن قولدانبالى ۆەلوسيپەد
ۆەلوسيپەد دوڭگەلەگىنىڭ ديامەترى 3,2 مەتر. ونى نەمىس ديدي زەنفتوم ەسىمدى جىگىت قۇراستىرعان.
14. ەڭ ۇزىن ساقالدى ايەل
ۆيۆيان ۋيلەردىڭ ساقالى 25,5 س م- گە جەتەدى. اتالعان رەكورد تاعى دا سول يتاليالىق Lo Show Dei Record شوۋىندا رەسمي تىركەلگەن.
15. الەمدەگى ەڭ ۇلكەن مىسىق
گەركۋلەس اتتى جولبارىس وڭتۇستىك كارولينانىڭ تابيعي قورىعىندا ءومىر سۇرەدى. مىسىقتىڭ سالماعى 418 ك گ، ال بويى 3,3 مەترگە جەتەدى.
16. ەڭ بيىك ورىندىق
بيىكتىگى 30 مەتر بولعان قاراپايىم ورىندىق.
دايىنداعان: جولداس ورىسبايەۆ
massaget.kz
