سومالي تۇرعىندارى بانكوماتتى ءبىرىنشى رەت كوردى
بانكوماتتى Salaam Somali Bank موگاديشونىڭ ورتالىعىنداعى قوناق ۇيلەردىڭ بىرىندە ورناتقان. قۇرىلعى تەك امەريكا دوللارىن عانا بەرەدى، سەبەبى ۇلتتىق ۆاليۋتا - سومالي شيللينگى تەز قۇنسىزدانىپ جاتىر، دەپ حابارلادى BBC News.
ءبىرىنشى بانكوماتتىڭ پروتوتيپى 1939-جىلى پايدا بولعان. ونى ا ق ش-تا ليۋتەر دجوردج سيمدجيان جاساپ شىعارعان. قۇرىلعى اقشانى قولما-قول بەرىپ وتىرعان، ءبىراق اپپارات بانكپەن بايلانىسى بولماعاندىقتان، ولاردى جەكە ەسەپشوتتان شىعارىپ تاستاي الماعان. سيمدجيان ءوزىنىڭ جاساپ شىعارعان قۇرىلعىسىن City Bank of New York-كە پايدالانىپ كورۋگە ۇسىنىس جاساعان، الايدا جارتى جىلدان كەيىن بانكيرلەر ماشينانى قايتارىپ بەرىپ، ونىڭ قاجەتتىلىگى جوق ەكەنىن ايتقان. سيمدجياننىڭ ويلاپ تاپقانى 30 جىلعا جۋىق ۇمىت قالدى، ول 1960-جىلداردىڭ سوڭىنا قاراي قايتا وڭدەلىپ جاسالدى.
بۇگىندە الەمدە 2,5 ميلليونعا جۋىق بانكومات جۇمىس ىستەپ تۇر.
