كاتون-قاراعايلىقتارعا ايۋ مازا بەرمەي تۇر

استانا. قازاقپارات - شىعىس قازاقستان وبىلىسىنىڭ كاتون-قاراعاي اۋدانىنا قاراستى بالعىن اۋىلى تۇرعىندارى ايۋدىڭ تۇنگى بارىمتاسىنا الاڭداپ وتىر.

 ايۋ وتكەن ءتۇنى اۋىلداعى تۇرعىنداردىڭ ءبىرىنىڭ قوراسىنا ەمىن- ەركىن كىرىپ، ەشكى مەن ءتورت قوزىنى جەپ كەتكەن دەيدى اۋىل تۇرعىندارى. بۇل تۋرالى وسكەمەندىك اقپاراتتىق سايت YK-news.kz حابارلاپ وتىر.

 جەرگىلىكتى ءوڭىر تۇرعىندارىنىڭ ايتۋىنشا بۇنداي جاعداي ءجيى قايتالانادى. ايۋ كوكتەمدە اققاينار جاقتى بارلاسا، جاز بويى قۇندىزدى مەن بارلىق اۋىلدارىن تورلاپ جۇرەدى ەكەن.

سونىمەن بىرگە بۇل ايماقتارعا مازا بەرمەي تۇرعان ايۋ عانا ەمەس، قاسقىردىڭ دا مالدارعا شابۋىلداۋى كۇشەيگەن.
 - بىرنەشە جىلدان بەرى ايۋ مەن قاسقىردىڭ شابۋىلداۋى توقتاماي تۇر. تاۋدا جەيتىن ەشتەڭە تابىلماعاننان سوڭ ەتەككە ءتۇسىپ، اۋىلدىڭ مالدارىن جەپ كەتەدى، - دەيدى اۋىل تۇرعىندارى.
 ەستەرىڭىزگە سالا كەتسەك، كاتون-قاراعاي اۋدانى تەرريتورياسىنا جاتاتىن ۇلتتىق پاركتەگى جابايى جانۋارلار جىل سايىن ءوسىپ كەلەدى.

Baq.kz