09:08, 08 - قازان 2014 | GMT +5
بريتانيا تۇرعىنى ءجۇز جىلدىعىن قاۋىپكە ءباس تىگىپ اتاپ ءوتتى
استانا. قازاقپارات - ۇلى بريتانيا تۇرعىنى نورا بريەر جەڭىل موتورلى ۇشاقپەن 2 رەت ۇشىپ ءجۇز جىلدىعىن تويلادى. ءبىر رەتىندە بريەر ۇشۋ اپپاراتىن ءوزى باسقاردى.
مۇنداي سىيلىقتى ايەلگە ونىڭ قىزدارى تارتۋ ەتكەن، دەپ جازدى Lenta.ru. بريەر توسىن دا قاۋىپتى جاعدايلارعا اۋەس ەكەنىن ايتادى. ءوزىنىڭ 95 جىلدىعىندا موتودەلتاپلانمەن ۇشقان. ال 80 جاسىندا شارمەن كوككە كوتەرىلگەن كورىنەدى.
«ءار جىلى تۋعان كۇنىمدى اسىعا كۇتەمىن. ويتكەنى بۇل كۇندەرى ەرەكشە قىلىقتار جاساۋعا تىرىسامىن»، - دەيدى بريەر.
قىزدارى اناسىنىڭ مۇنداي توتەنشە جاعدايلارعا 1982-جىلى ەكىنشى كۇيەۋى قايتىس بولعاننان كەيىن قىزىعا باستاعانىن ايتادى.
