ەلوردادا ساقتار جايلى تاريحي فيلمنىڭ تۇسىرىلىمىنە دايىندىق باستالدى

استانا. قازاقپارات - ەلوردادا ساقتار جايلى تاريحي فيلمنىڭ تۇسىرىلىمىنە دايىندىق باستالدى. بۇل تۋرالى بۇگىن «نامىس پروداكشن» كومپانياسىنىڭ اتقارۋشى ديرەكتورى تالعات نىسانبايەۆ ءمالىم ەتتى.

«بۇل قازاقستان كينەماتوگرافياسىنداعى ەڭ الدىمەن الەمدىك پروكاتقا باعىتتالعان تۇڭعىش جوبا بولماق. ايتا كەتەرلىگى، بۇعان دەيىن ساقتارعا قاتىستى تۋىندىلار ەكرانعا شىقپاعان. ولاردىڭ باي مادەني مۇراسى، تاريحى بۇعان دەيىن ەش ۋاقىتتا كوركەم فيلم رەتىندە كورسەتىلمەگەن»، - دەدى كومپانيا باسشىسى.

ونىڭ سوزىنە قاراعاندا، بۇل جوبا قازاقستاندىق كينەماتوگرافيانىڭ دەڭگەيىن ەۋروپالىق كينو دەڭگەيىنە دەيىن كوتەرۋى ءتيىس. ايتا كەتەرلىگى، فيلم جاس بۋىندى وتانسۇيگىشتىككە باۋليتىن بولادى. ويتكەنى، ساقتاردىڭ قازاقتىڭ ارعى اتا- باباسى ەكەندىگى بەلگىلى.