نۇرسۇلتان نازاربايەۆ ۆلاديمير پۋتيندى تۋعان كۇنىمەن قۇتتىقتادى

استانا. قازاقپارات - قازاقستان پرەزيدەنتى نۇرسۇلتان نازاربايەۆ رەسەي باسشىسى ۆلاديمير پۋتيندى تۋعان كۇنىمەن قۇتتىقتادى. ەكى ەل كوشباسشىلارى تەلەفون ارقىلى سويلەستى.

 ر ف پرەزيدەنتىنىڭ باسپا ءسوز قىزمەتى جانە اقپارات باسقارماسى حابارلاعانداي، رەسەي فەدەراتسياسىنىڭ پرەزيدەنتى ۆلاديمير پۋتيندى تۋعان كۇنىمەن كوپتەگەن شەتەل مەملەكەتتەرىنىڭ باسشىلارى قۇتتىقتاعان.

 حات ارقىلى جولدانعان قۇتتىقتاۋلاردان بولەك، ءبىرقاتار تەلەفون ارقىلى قۇتتىقتاعاندار بولدى. ۆ. پۋتين قازاقستان رەسپۋبليكاسىنىڭ پرەزيدەنتى ن. ءا. نازاربايەۆپەن، بەلارۋس رەسپۋبليكاسىنىڭ پرەزيدەنتى ا. گ. لۋكاشەنكومەن، ازەربايجان رەسپۋبليكاسىنىڭ پرەزيدەنتى ي. گ. اليەۆپەن، جاپونيانىڭ پرەمەر- ءمينيسترى س. ابەمەن، ارمەنيا رەسپۋبليكاسىنىڭ پرەزيدەنتى س. ا. سارگسيانمەن جانە يتاليا رەسپۋبليكاسىنىڭ مينيسترلەر كەڭەسىنىڭ بۇرىنعى ءتوراعاسى س. بەرلۋسكونيمەن سويلەستى.

اڭگىمە بارىسىندا حالىقارالىق كۇن تارتىبىندەگى وزەكتى ماسەلەلەر مەن ەكىجاقتى ىنتىماقتاستىق ماسەلەلەرى تالقىلاندى.

 سەيسەنبى كۇنى، 7 - قازاندا، ۆ. پۋتين 62 جاسقا تولدى.