گيننەس رەكوردتار كىتابىنا ەنگەن سوڭعى رەكوردتار - فوتو
كىتاپقا ەڭ ۇلكەن موتوتسيكل نەمەسە ەڭ كىشكەنە يت دەيتىندەي ءداستۇرلى جاڭالىقتار توپتاستىرىلعان. قازىرگى كەزدە «گيننەس رەكوردتار كىتابى» اعىلشىن تىلىندە الەمنىڭ 100 ەلىندە باسىپ شىعارىلادى جانە 37 تىلگە اۋدارىلىپ قايتا باسىلىپ وتىرادى. ەستەرىڭىزگە سالا كەتسەك، ەڭ العاشقى باسىلىم 1955 - جىلى شىققان بولاتىن. سول كەزدە بەلگىسىز تسيكل بىردەن الەمدىك بەدەلگە يە بولدى.
1. ەشكى- سكەيتبورديست
سۋرەتتەگى ەشكى بار بولعانى 25 سەكۋند سكەيتبوردتا ۇشىپ، 36 مەترگە دەيىن بارا العان.
2. ەڭ ۇلكەن قوزعالاتىن ايداھار
نەمىستىڭ Zollner Elektronik كومپانياسى قۇراستىرعان الىپ ايداھاردىڭ بويى 15,7 مەتر بولىپ، ەنى 12,3 مەترگە دەيىن جەتكەن. ال بيىكتىگى 8,2 مەتردى قامتىپتى.
3. شاڭسورعىشتاردىڭ ەڭ ۇلكەن جيناعى
دجەيمس براۋن ەسىمدى اعىلشىن ءوزىنىڭ 322 ءتۇرلى مودەلگە يە بولعان شاڭسورعىشتارىمەن اتالعان كىتاپتىڭ بەتىنەن ورىن العان. بريتان ازاماتى ءوز جيناعىن 8 -جىل بويى توپتاستىرىپتى. ماقساتى ۇيدەگى تازالاۋ جۇمىستارىندا شاڭسورعىشتىڭ قايسىسى جاقسى جۇمىس ىستەۋىن انىقتاۋ عانا بولعان ەكەن.
4. بيىك وكشەمەن 100 مەترگە جۇگىرۋدىڭ ۇزدىك كورسەتكىشى
گەرمانيالىق دجۋليا پلەچەر ءوزىنىڭ بيىك وكشەلى اياق كيىمىندە 100 مەتر قاشىقتىققا 14,531 سەكۋندتا جەتىپ كەلگەن.
5. تىرشىلىك ەتەتىن يتتەردىڭ ەڭ كىشكەنتاي ءتۇرى
بويى 9,65 س م بولعان ميللي لاقاپ اتىنا يە يت وسىنداي اتاقتى يەمدەنىپ وتىر. ول چيحۋاحۋا تۇقىمىنان بولىپ، پۋەرتو- ريكودا ءومىر سۇرەدى ەكەن. ونىڭ قامقورشىسى ۆانەسسوي سەملەردىڭ ايتۋىنشا، ميللي كىشكەنە كەزىندە ونى تامىزعىشپەن تاماقتاندىرعان ەكەن.
6. تارتىلعان ارقانمەن جىلدام جۇرە العان يت
وززي ەسىمدى يت انلگيادا وتكەن F. A. I. T. H جانۋارلاردى قۇتقارۋ كورمەسىندە تارتىلعان ارقان ارقىلى 18,22 مەتر قاشىقتىققا ءوتىپ كەتە العان.
7. ليمبو- روللەرمەن ەڭ تومەن دەڭگەيدە ۇشۋ
12 جاسار ءۇندىستاندىق روحان كوكانە روليكتە 25 سم بيىكتىكپەن 10 مەترگە دەيىن قوزعالا العان. بۇل رەكورد يتالياندىق Lo Show Dei Record تەلەشوۋىندا راستالدى.
8. «جۇلدىزدار سوعىسى» زاتتارىنىڭ ەڭ ۇلكەن جيناعى
كاليفورنيالىق ستيۆ سانسۆيت اتالعان كينوفيلمگە قاتىستى 300 مىڭ ەرەكشە زاتتاردى جيناعان ەكەن. دەگەنمەن، جۋىردا رەكوردتىق ناتيجەنىڭ ساراپشىلارى ونىڭ ۇيىنەن 90546 زاتتى انىقتاي العان. وسى كورسەتكىشتىڭ ءوزى دە جاڭا رەكوردقا جەتكىلىكتى بولىپتى.
دايىنداعان: جولداس ورىسبايەۆ
massaget.kz
