اۆستراليالىق شەف-اسپاز ايەلىنىڭ ەتىن پىسىرگەن
ول 27 جاستاعى يندونەزيالىق مايانگ پراسەتيونى ولتىرگەننەن كەيىن قىلمىستىق جاۋاپكەرشىلىكتەن قاشۋ ءۇشىن ءوز-وزىنە قول جۇمساعان. تاماعى ورىلعان ەر ادامنىڭ ءمايىتى ونىڭ ءۇيىنىڭ ماڭىنداعى قوقىس جاشىگىنەن تابىلدى، - دەپ حابارلايدى Courier Mail.
اسپازدىڭ ايەلى ترانسسەكسۋال بولىپ شىقتى. مايانگ پراسەتيو بۇرىن فەبري ەسىمدى ەر ادام بولعان. اۆستراليالىق كۇيەۋى ونىڭ بۇل ەرەكشەلىگىن جاقسى بىلگەن، ءبىراق وعان عاشىق بولعاندىقتان، نەكەلەسۋدى ۇيعارعان. ۋولكە مەن پراسەتيونىڭ ۇيلەنۋ تويى وتكەن جىلدىڭ قاراشا ايىندا بولدى.
ەرلى-زايىپتىنىڭ جاقىندارى مەن تانىستارى ولاردىڭ باقىتتى ءومىر سۇرگەنىن جانە ماركۋستىڭ بايسالدى جىگىت بولعانىن ايتتى. ال پوليتسيانىڭ مالىمەتىنشە، ەر ادام پسيحيكالىق اۋىتقۋلارمەن اۋىرماعان، بۇرىن-سوڭدى سوتتالماعان.
ولاردىڭ پاتەرىندە كەلەڭسىز وقيعا بولعانىن پوليتسياعا كورشى ايەل حابارلاعان. ول «شىرىگەن ەتتىڭ» ءيىسىن سەزىپتى. پوليتسەيلەر پاتەرگە كىرگەن كەزدە ادام شوشىرلىق كورىنىستىڭ كۋاسى بولدى: قىزدىڭ دەنەسىنىڭ پوليەتيلەن پاكەتتەرگە سالىنعان بولشەكتەرى شاشىلىپ جاتتى، ءمايىتتىڭ ءبىر بولىگى گاز پليتاداعى كاستريۋلدە قايناتىلعان.
پاتەر يەسى پوليتسەيلەردىڭ ەسىك قاققانىن سەزگەن بويدا بالكوننان سەكىرىپ، قوقىس جاشىگىنە تىعىلعان دا، ءوز تاماعىن ورىپ جىبەرگەن. قازىر تراگەديانىڭ سەبەبى انىقتالىپ جاتىر.
Tengrinews.kz
