ناميبيا ەلشىسى قازاقستاندىقتاردى سافاريگە قاتىسۋعا شاقىردى

استانا. قازاقپارات - ناميبيا رەسپۋبليكاسىنىڭ توتەنشە جانە وكىلەتتى ەلشىسى ندالي چە كاماتي ق ر مەملەكەتتىك حاتشىسى ادىلبەك جاقسىبەكوۆكە اقوردادا سەنىم گراموتالارىن تاپسىرىپ بولعاننان كەيىن قازاقستاندىقتارعا سافاريگە قاتىسۋعا شاقىردى.

«بۇل - ءبىزدىڭ ەلدەر اراسىنداعى ديپلوماتيالىق قارىم-قاتىناستىڭ باسى. مەن بىزدە مۇمكىندىك پايدا بولعانىنا وتە قۋانىشتىمىن»، - دەدى ندالي چە كاماتي.

ەلشى قازاقستان مەن ناميبيا حالقىنىڭ اراسىنداعى تەرەڭ تاريحي بايلانىس ارىدەن باستالعانىن اتاپ ءوتتى. قازاقستان ءبىر كەزدەرى ناميبيا حالقىنا تاۋەلسىزدىك ءۇشىن كۇرەستە قولداۋ ءبىلدىردى. سول ءۇشىن ناميبيالىقتار قازاقستانعا ىرزا.

ەلشىنىڭ پىكىرىنە قاراعاندا، ناميبيادا دا قازاقستانداعىداي مينەرالدى رەسۋرستاردىڭ ارنايى قورلارى بار. سول ءۇشىن ولاردى يگەرۋدە ولارعا قازاقستاندىق تاجىريبە كەرەك. سونىمەن بىرگە، ءوزارا ساۋدا-ساتتىقتى دامىتا بەرۋ كەرەك.

سونداي-اق ءوزارا ءتيىمدى ساۋدانى دامىتۋ كەرەك. قورىتىندىسىندا ندالي چە كاماتي قازاقستاندىقتاردى سافاريگە قاتىسۋعا شاقىردى.