قازاقستان اقىلدى-ۇكىمەت تۇجىرىمداماسىن قاراستىرادى
«ەلەكتروندى ۇكىمەت جانە ونىڭ كەلەسى بۋىنى «اقىلدى» ۇكىمەت تۇجىرىمداسى بولىپ تابىلادى. ءبىز smart-يندۋستريا قۇرۋمەن قاتار «اقىلدى ۇكىمەت» ستراتەگياسىن دا قاراستىرۋدامىز. بۇل تۇجىرىمدامالاردىڭ جۇزەگە اسىرىلۋ جانە سينەرگياسى ازاماتتار ءۇشىن ءومىردىڭ جوعارى ساپاسىن قامتاماسىز ەتەدى. مەملەكەتتىك باسقارۋ جۇيەسىنىڭ تيىمدىلىگىن ارتتىرادى»، - دەدى ءا. يسەكەشەۆ.
ونىڭ اتاپ وتۋىنشە، قازىرگى ۋاقىتتا قۇرىلعان ەلەكتروندى ۇكىمەت قۇرىلىمى قازاقستاندىقتارعا ەلەكتروندى ۇكىمەت پورتالى ارقىلى 570 قىزمەت پەن سەرۆيستى الۋعا مۇمكىندىك بەرەدى.
«ورتاشا ەسەپپەن العاندا جىل سايىن ەلەكتروندى ۇكىمەت جۇيەسى ارقىلى شامامەن 40 ميلليون ەلەكتروندى قىزمەت كورسەتىلەدى. مەنىڭشە، 17 ميلليون حالقى بار ەلىمىز ءۇشىن بۇل تاماشا كورسەتكىش. 2013-جىلى الەۋمەتتىك ماڭىزى بار قىزمەتتەر ق ر ەلەكتروندى ۇكىمەتىنىڭ پورتالى ارقىلى ەلەكتروندى فورماتتا 100 پايىز كورسەتىلدى»، - دەدى مينيستر.
اۆتور: مارلان جيەمباي
