شۆەدتەر پالەستينانىڭ تاۋەلسىزدىگىن تانىدى
بۇل جونىندە شۆەد سىرتقى ىستەر ءمينيسترى مارگو ۋولسترەم نەگە مۇنداي قادامعا بارعانىن بىلايشا ءتۇسىندىردى: «بۇل ەكى ەلدىڭ بەيبىت ءومىر سۇرۋىنە، ءبىر-ءبىرىن تاۋەلسىز مەملەكەت رەتىندە قۇرمەتتەۋىنە ۇلكەن سەبەپ. كەلىسسوزدەرگە دە تەڭ دارەجە تۇرعىسىنان ۇلكەن اسەر بەرەدى. ارينە، ءبىزدىڭ بۇل شەشىمىمىزگە قول سوعاتىندار دا، سىنايتىندار دا تابىلادى. ءبىز ەكى جاقپەن دە جانە وزگە دە ارىپتەستەرىمىزبەن ديالوگ جۇرگىزۋگە دايارمىز».
ارينە، شۆەدتەردىڭ بۇل قىلىعىنا يزرايل جاعى رازى ەمەس. تۇسىنىكتەمە بەرۋىن سۇراۋدا. ءبىر ەسكەرتە كەتەتىن جايت، بۇعان دەيىن دە پالەستينانىڭ تاۋەلسىزدىگىن پولشا، ۆەنگريا جانە چەحيا مويىنداعان. سونداي-اق رەسەيدە وسى راۋىشتە.
ءبىراق مۇنىڭ ءبارى بۇل مەملەكەتتەر ەۋرووداققا قابىلدانۋدان بۇرىن مالىمدەگەن. ال ەۋرووداق مۇشەلەرىنىڭ ىشىندە ءبىرىنشى بولىپ مويىنداپ وتىرعان تەك شۆەتسيا. ال وزگە مەملەكەتتەر قولداي ما؟ ازىرگە بەلگىسىز.
ەگەر دە سكانديناۆيا تۇبەگىندە جاتقان وسى ەلدىڭ شەشىمىن وزگەلەر قولدايتىن بولسا، پالەستينانىڭ تاۋەلسىزدىگى ءۇشىن ءومىر بويى كۇرەسىپ، جانىن سول جولدا قۇربان ەتكەن ياسير ارافاتتىڭ ارۋاعى رازى بولار ەدى-اۋ.
بەتتى دايىنداعان بەرىك بەيسەن ۇلى، سەيسەن امىربەك ۇلى
