دەپۋتات اۋدان-اۋدانعا، رۋ-رۋعا بولىنگەن شىمكەنتتىكتەرگە وكپەلەپ قالىپتى
قاسىمبەك نۇرسەيىتوۆ سوعىس جىلدارى تانك ۆزۆودىنىڭ كومانديرى بولعان. سۇيەگى ريگانىڭ تۇبىندە جول سالىپ جاتقاندا تابىلىپتى.
ىزدەستىرۋ توبى «11 - ماۋسىم، 1944 - جىل، نۇرسەيىتوۆ قاسىم» دەپ جازىلعان جاۋىنگەرگە تيەسىلى مەتالل تاراقتى تاۋىپ كەيىن يەسىن انىقتاعان.
ءوزىنىڭ 17 جاسىنا 3 جىل قوسىپ، مايدانعا اتتانعان قاسىمبەك نۇرسەيىتوۆ لاتۆيا جەرىنە دەيىن جەتىپ، 1944 - جىلى 24 - قاراشادا مەرت بولعان ەكەن. تەك 70 جىل بويى جات جەردە جاتقان جاۋىنگەردىڭ سۇيەگىن قارسى الۋ شاراسى كوپتىڭ كوڭىلىنەن شىقپاعان سىڭايلى.
10-15 كۋرسانتتى توپتاستىرىپ قويعانىن كورگەن جەرگىلىكتى ءماسليحات دەپۋتاتى اشۋعا ءمىنىپ، اكىم-قارالاردى ءبىر سىباپ الدى.
دۋلات ءابىش، و ق و ءماسليحاتىنىڭ دەپۋتاتى:
- نە ايتۋعا بولادى؟ بۇگىن وسى قاتاردا مەن ويلايمىن وبلىستىڭ ءبىرىنشى باسشىسى، ەكىنشىسى بار، قالانىڭ باسشىسى، اۋداننىڭ اكىمدەرى مىنا جەردە قاز-قاتار تۇرۋى كەرەك ەدى. جالپى حالىق كوپ جينالۋ كەرەك ەدى. ال، بىزدە پاتريوتيزم اۋدان-اۋدان تەرريتورياعا ءبولىنىپ كەتكەن. رۋ-رۋعا ءبولىنىپ كەتكەن. بۇل جەردە بارلىق قازاقتار تۇرۋ كەرەك ەدى.
Ktk.kz
