09:48, 07 - قازان 2014 | GMT +5
حالىقارالىق ىزدەۋدە جۇرگەن قازاقستاندىق ياكۋتيادان تابىلدى
استانا. قازاقپارات - ياكۋتيا ءى ءى م-ءنىڭ قىلمىستىق ىزدەستىرۋ باسقارماسىنىڭ ۇيىمداسقان قىلمىسپەن كۇرەس ءبولىمىنىڭ قىزمەتكەرلەرى حالىقارالىق ىزدەۋدە جۇرگەن قازاقستان رەسپۋبليكاسىنىڭ 34 جاستاعى ازاماتىن انىقتادى، دەپ حابارلايدى SakhaLife.
بۇل ازاماتقا قازاقستاننىڭ قۇقىق قورعاۋ ورگاندارى ىزدەۋ جاريالاعان. وتكەن جىلدىڭ قازان ايىندا ۇرلىق ارەكەتىنە قاتىسى بولعانى ءۇشىن ونىڭ ۇستىنەن قىلمىستىق ءىس قوزعالعان. الايدا كۇدىكتى 2014-جىلدىڭ قاڭتار ايىندا ءىزىن سۋىتقان، ارتىنشا وعان ىزدەۋ جاريالاندى.
جۋىردا ياكۋتيالىق قۇقىق قورعاۋ قىزمەتكەرلەرى ول وسى جىلدىڭ شىلدە ايىندا اتالمىش رەسپۋبليكانىڭ بۋلۋن اۋدانىنىڭ تيكسي كەنتىنە كەلىپ، كوممەرتسيالىق ۇيىمعا جۇمىسقا تۇردى، دەگەن اقپار الادى.
قازىرگى ۋاقىتتا ەر ادام ۇستالدى، وعان ىزدەۋ جاريالاعاندار بۇل تۋرالى حابارلاندىرىلدى.
