جابايى قۇستى اتام دەپ جاڭا تۋعان ءسابيدى اتىپ الدى - فوتو
كەشقۇرىم ۋاقىتتا وق داۋسى شىققان كەزدە ءبۇلدىرشىن اكەسىنىڭ قولىندا ۇيىقتاپ جاتقان. اڭشى مىلتىعىنان شىققان وق بالانىڭ باسىنا كىرىپ، كوزىنەن ءبىر- اق شىققان. بالاسىن ۇيىقتاتىپ جاتقان اكە العاشىندا نە بولعانىن تۇسىنبەي، ابدىراپ قالادى. كەيىن ول ەسىن جيناپ، شاقالاقتى دەرەۋ اۋرۋحاناعا اپارادى.
ءسابيدىڭ جاعدايى وتە اۋىر بولعاندىقتان دارىگەرلەر ونى دەرەۋ جانساقتاۋ بولىمىنە جاتقىزعان. ءبۇلدىرشىننىڭ تاتەسىنىڭ ايتۋىنشا، بالانىڭ كوزى ونىڭ ءومىرىن قۇتقارىپ قالعان. ء«يا، كوزى بولماعاندا وق ونىڭ ميىندا قالىپ قويار ەدى. قازىر ونىڭ ءبىر كوزى كورمەي قالدى. ال ءسابيدىڭ اتا- اناسى اڭشىنى كەشىردى» ، - دەدى ول.
پوليتسەيلەردىڭ ايتۋىنشا، وق ايۆەرسون وتباسىنىڭ جەكەمەنشىك جەرىندە اتىلعان. الايدا ولار اڭشىعا ەشقانداي شارا قولدانبايدى، ويتكەنى اڭشىنىڭ بۇل ايماقتا جۇرۋگە بولاتىن رۇقسات قاعازى بار ەكەن. سوندىقتان بۇل قايعىلى جاعداي رەتىندە عانا تىركەلدى.
