كاسپيدەگى اتىسقا سەبەپكەر براكونەرلەر ق ر شەكاراسىن بۇزعاندارى ءۇشىن دە جاۋاپقا تارتىلماق
بۇدان بۇرىن حابارلانعانداي، وقيعا جەكسەنبى كۇنى ورىن العان، شەكاراشىلار براكونەرلەر تۇسىنا قاراي وق اتۋعا ءماجبۇر بولعان.
«ءۇش براكونەرلىك سۋ كولىگىن شەكاراشىلار كاسپي تەڭىزىنىڭ سولتۇستىك بولىگىن شولۋ بارىسىندا جاعادان شامامەن 50 شاقىرىم قاشىقتىقتان تاۋىپ الدى. بۇل قورىق ايماعىندا ارنايى رۇقساتسىز ازاماتتىق سۋ كولىكتەرىنىڭ جۇزۋىنە رۇقسات ەتىلمەيدى. مەملەكەتتىك شەكارانى بۇزۋشىلار قايىق موتورىن ءوشىرۋ تالاپتارىنا قۇلاق قويماعان، ءارى شەكارا قىزمەتىنىڭ كاتەرىنەن قاشىپ كەتۋگە تىرىستى. ءبىز اۋاعا جانە سۋ كولىكتەرىنىڭ باعىتىنا قاراي بىرنەشە رەت وق اتۋعا ءماجبۇر بولدىق. زارداپ شەككەندەر بولعان جوق»، - دەيدى ق ر ۇلتتىق قاۋىپسىزدىك كوميتەتىنىڭ شەكارا قىزمەتىنىڭ جاعالاۋ كۇزەتى 2201№ اسكەري ءبولىمىنىڭ كومانديرى تالعات تورەبايەۆ.
بارلىعى 13 ادام ۇستالعان. ولاردىڭ ءبارى اتىراۋ وبلىسىنداعى دامبى اتتى جاعالاۋ ماڭى كەنتىنىڭ تۇرعىندارى بولىپ شىقتى. زاڭ بۇزۋشىلاردىڭ قايىقتارىنان 18 قاپ براكونەرلىك جاراقتار تابىلدى.
ەندى ولار زاڭ الدىندا ق ر قىلمىستىق كودەكسىنىڭ ەكى بابى - قازاقستان رەسپۋبليكاسىنىڭ مەملەكەتتىك شەكاراسىن توپتاسىپ بۇزعانى جانە اۋلاۋعا تىيىم سالىنعان بەكىرە تۇقىمداس بالىقتاردى اۋلاعانى ءۇشىن جاۋاپقا تارتىلماق.
