كاسپيدە بىرلەسكەن اسكەري-تەڭىز وقۋ-جاتتىعۋى مارەگە جەتتى
«وقۋ-جاتتىعۋعا ق ر اسكەري-تەڭىز كۇشتەرىنىڭ «قازاقستان»، «ورال» جانە ر ف اسكەري-تەڭىز فلوتىنىڭ «داعىستان»، «گراد سۆياجسك» اتتى راكەتا-ارتيللەريالىق كەمەلەرىنەن تۇراتىن تاكتيكالىق توپ قاتىستى. كەمەلەردىڭ ەكيپاجدارى كاسپي تەڭىزىنىڭ قازاقستاندىق سەكتورىنداعى اۋماقتىق جانە ەكونوميكالىق سۋلارداعى ستراتەگيالىق نىسانداردى قورعاۋ جونىندەگى مىندەتتەردى پىسىقتادى. ەكى ەل اسكەري-تەڭىز كۇشتەرىنىڭ اراسىنداعى ءوزارا ءىس-قيمىلدى ۇيىمداستىرۋ جاۋىنگەرلىك ءىس-قيمىلدارعا بارىنشا جاقىن جاعدايدا ءوتتى»، - دەلىنگەن ق ر قورعانىس مينيسترلىگى باسپا ءسوز قىزمەتىنىڭ مالىمەتىندە.
ق ر ق ك اسكەري-تەڭىز كۇشتەرىنىڭ باس قولباسشىسى كونتر-ادميرال جانداربەك جانۇزاقوۆ وقۋ-جاتتىعۋعا قاتىسۋشىلاردىڭ بارلىعى جاقسى تەڭىز داعدىسىن، قويىلعان مىندەتتەردى ورىنداۋدا ساۋاتتى جانە بىلىكتى ءىس-قيمىل كورسەتكەندىگىن اتاپ ءوتتى.
كەلەسى وقۋ-جاتتىعۋ رەسەي فەدەراتسياسىنىڭ اۋماعىندا وتەدى دەپ جوسپارلانعان.
اۆتور: رۋسلان عابباسوۆ
