تومسك وبلىسىندا قازاقستانعا ارنالعان «جايىق» تەپلوحودى سۋعا ءتۇسىرىلدى - فوتو

استانا- تومسك. قازاقپارات - تومسك وبلىسىندا «جايىق» تەپلوحودى توم وزەنىنە ءتۇسىرىلدى. اتىراۋ سۋ جولدارى كاسىپورنىنا بەرىلەتىن كەمەنى سامۋس كەمە جاساۋ- كەمە جوندەۋ زاۋىتى قۇراستىرعان.

 قازاقستاندىق وكىلدەردىڭ قاتىسۋىمەن 3 - قازاندا بولعان كەمەنى سۋعا ءتۇسىرۋ راسىمىنە «سەمەي س س ر ز» ج ش س تەحنيكالىق ءبولىمىنىڭ باستىعى ءامىر احمەدزيانوۆ قاتىستى.

«بۇل تەپلوحود جايىق وزەنىندە كەمەلەردىڭ ءجۇزۋىن قامتاماسىز ەتەدى» - دەدى «سامۋس كەمە جاساۋ- كەمە جوندەۋ زاۋىتى» جشق ديرەكتورى ۆيكتور شۆارتس قازاقپارات تىلشىسىنە.

 «قازىرگى تاڭدا تاعى ءبىر تەپلوحود قۇراستىرىپ جاتىرمىز. بۇل جولى - سەمەي ءۇشىن. ونى 2015 - جىلدىڭ مامىرىندا قولدانىسقا بەرۋ كوزدەلگەن، ال قۇرىلىس جۇمىستارىن 2014 - جىلدىڭ جەلتوقسانىندا اياقتايمىز» ، - دەدى ۆ. شۆارتس.

 ول 2015-2016 - جىلدار ارالىعىندا سەمەي مەملەكەتتىك قازىنالىق سۋ جولدارى كاسىپورنىمەن 4 كەمە قۇراستىرۋعا نيەتتى ەكەنىن ءمالىم ەتتى.