كونكورديا كلۋبىنىڭ فۋتبولشىسى الاڭنان جىلاپ كەتتى

استانا. قازاقپارات - فۋتبولدان رۋمىنيا ىشكى بىرىنشىلىگىندە كۇتپەگەن وقيعا ورىن الدى. «كونكورديا» فۋتبول كلۋبىنىڭ برازيليالىق شابۋىلشىسى ۆەللينگتون قوناقتار جانكۇيەرلەرىنىڭ كەمسىتۋىنەن كەيىن كوزىنە جاس الىپ، الاڭنان شىعىپ كەتكەن.

وقيعا ەلدىڭ X تۋر ويىندارىندا ورىن الدى. «راپيد» كومانداسىنىڭ جانكۇيەرلەرى برازيليالىق ويىنشىعا قارسى بانان لاقتىرعان. جۇرەگىنە جاقىن قابىلداعان ۆەللينگتوننىڭ كوڭىلى بوساعان. ال ونىمەن قوسا، باس قازى فۋتبولشىعا سارى قاعاز كورسەتكەن.

جانكۇيەرلەر كەمسىتۋى مەن تورەشى شەشىمىنە بايلانىستى ويىنشى سوتقا شاعىمدانباق. «ماعان وتە اۋىر ءتيدى. ويتكەنى الاڭدا مەنىڭ ونەرىمدى ايەلىم مەن بالام تاماشالاپ وتىرعان. جانكۇيەرلەر قىلىعىنان كەيىن، الاڭنان كەتۋدى ۇيعاردىم. مەن مايمىل ەمەسپىن. تورەشى دە ماعان ويدا-جوقتا سارى قاعاز كورسەتتى. مۇنىمەن دە ەلدىڭ فۋتبول فەدەراتسياسى اينالىسادى دەگەن سەنىمدەمىن»، - دەدى فۋتبولشى.

پوليتسيا قىزمەتكەرلەرى ويىننىڭ بەينەتاسپاسىن قاراپ شىعىپ، كەمسىتۋشى بۇزاقىلاردى تابۋعا ىزدەۋ جاريالاعان. جەرگىلىكتى زاڭعا سايكەس، ءتارتىپ بۇزۋشى جانكۇيەرلەر 6 ايدان 1 جىلعا دەيىنگى ارالىقتا باس بوستاندىعىنان ايىرىلاتىن بولادى. ال ويىندا «كونكورديا» مەن «راپيد» كوماندالارى ەسەپ اشپاي تارقاسقان.

ايتا كەتەيىك، ءساۋىر ايىندا كاتالوندىق «بارسەلونا» كومانداسىنىڭ برازيليالىق فۋتبولشىسى داني الۆەسكە دە «ۆيلياررەال» كومانداسىنىڭ جانكۇيەرلەرىنىڭ ءبىرى بانان لاقتىرعان بولاتىن. ال ويىنشى بولسا، لاقتىرعان باناندى الىپ جەگەن ەدى.

برازيليالىقتىڭ بۇل ىسىنە رازى بولعان تانىمال تۇلعالار مەن كوپشىلىك قاۋىم بانان جەپ سۋرەتكە ءتۇسىپ، قولداۋ بىلدىرگەن. ال ەل- مادريگالدىق كلۋب بولسا، ءتارتىپ بۇزعان جانكۇيەردى ءومىر بويى سۇيىكتى كومانداسىنىڭ ءوز الاڭىندا وتەتىن ويىندارىن ستاديوننان تاماشالاۋ قۇقىعىنان ايىرعان-دى.

اقپارات كوزى: Massaget.kz