باتىس قازاقستاندىقتار ازيادا چەمپيوندارىن قۇرمەتپەن قارسى الدى

ورال. قازاقپارات - باتىس قازاقستاندىقتار وڭتۇستىك كورەيانىڭ ينچحون قالاسىندا وتكەن جازعى ازيا ويىندارىنىڭ جەڭىمپازدارى، ەسكەكشىلەر الەكسەي دەرگۋنوۆ پەن اندرەي ەرگۋچيەۆتى قۇرمەتپەن قارسى الدى.

وبلىستىق جوعارى سپورتتىق شەبەرلىك مەكتەبى جانە 1№ بالالار-جاسوسپىرىمدەر سپورت مەكتەبىنىڭ ديرەكتورلارى اباي باقمانوۆ پەن قانات راحمەتوۆ ەسكەكشىلەردى جەڭىسىمەن قۇتتىقتاپ، گۇل شوقتارى مەن سىيلىقتار تابىىس ەتتى. ولاردىڭ باپكەرى، 1986-جىلعى الەم چەمپيونى الەكساندر اكۋنيشنيكوۆ تە ۇمىت قالعان جوق.

ەسكە سالا كەتەيىك، الەكسەي دەرگۋنوۆ ورال ەسكەك سپورتىنىڭ تۇلەگى، قازىر شىمكەنتتە تۇراتىن ەۆگەني الەكسەيەۆپەن بىرگە 1 مىڭ مەترلىك قاشىقتىقتا التىن، 200 مەترلىك سىندا كۇمىس جۇلدەنى ولجالاعان بولاتىن. ال اندرەي ەرگۋچيەۆ يليا گولەندوۆ، داۋلەت سۇلتانبەكوۆ، الەكساندر ەمەليانوۆپەن بىرگە ءتورت كىسىلىك بايداركادا 1 مىڭ مەترلىك سايىستا ۇزدىك شىقتى.

اۆتور: ەلجان ەرالى