قىتاي مەديسيناسىن جەتتىك مەڭگەرگەن قازاق دارىگەر

استانا. قازاقپارات - قۇپياعا تولى قىتاي مەديسيناسىن كەم بىلمەيتىن قازاق دارىگەرى بەيجىڭدەگى جەتەكشى ەمحانادا جۇمىس ىستەيدى.

ەرنار بەرديەۆ - بەيجىڭدەگى 30 جىلدىق تاريحى بار ءداستۇرلى ەم- دوم كورسەتەتىن ەمحانادا دارىگەر. مۇندا قىتاي ۇكىمەتىنىڭ ارنايى ستەپەندياسىنا يە بولعان بىلىكتى ماماندارمەن بىرگە جۇمىس ىستەيدى.

«ءبىراز پاسيەنت، جاڭاعى بۋىندارى اۋىرعان ناۋقاستارىم بار. ولاردى ينە سالۋ ارقىلى نەمەسە شوپپەن ەمدەۋ ارقىلى تولىقتاي جازىپ شىعارعان كەزدەرىمىز دە بار»، - دەيدى 28 جاستاعى جەرلەسىمىز. ول مانۋالدى تەراپيا، ينە، ءشوپ سياقتى قىتاي ەم- دومىنىڭ قۇپياسىن جاقسى بىلەدى. ويتكەنى مۇنداي ەمحاناعا جۇمىسقا تۇرۋ ءۇشىن بىلىكتىلىك كەرەك. ادام اعزاسىنداعى ين- يان نەمەسە ىستىق پەن سۋىقتى تەڭشەۋ ارقىلى دەنساۋلىقتى ساقتاۋدىڭ قىر سىرىن ەرنار بەرديەۆ 5 جىل وقىعان.
«حابار» ارناسى