07:13, 08 - قازان 2014 | GMT +5
جاندىكتەن قورىققان تەلەجۇرگىزۋشى ەفيردى تاستاي قاشتى - كەسكىن
استانا. قازاقپارات - امەريكاندىق Fox 59 تەلەارناسىنىڭ جۇرگىزۋشىسى وپەراتوردىڭ كامەراسىنا قونعان ارانى كورىپ، جۇرگىزىپ جاتقان حابارىن تاستاي قاشقان، دەپ جازادى سەگودنيا.
جاندىك پايدا بولعان ساتتە دجەننيفەر كەتمار ينديانا شتاتىنىڭ اۋا رايى تۋرالى بايانداپ تۇر ەدى. ول بۇل ايماقتا جىلى اتموسفەرالىق اۋانىڭ اسەرىنەن ارالاردىڭ كوبەيىپ كەتكەنى تۋرالى ايتىپ جاتقان. دجەننيفەر كامەرا وبەكتيۆىندەگى ارانى كورگەن ساتىندە «ول مۇندا ءجۇر عوي» دەپ ايعايلاپ، ەفيردى تاستاي قاشتى.
جۇرگىزۋشى كادرعا جاندىك ۇشىپ كەتكەننەن كەيىن عانا ورالدى.
