ەلباسى ءۇندىستانداعى، يوردانياداعى جانە كاتارداعى قازاقستان ەلشىلەرىن تاعايىندادى

استانا. قازاقپارات - مەملەكەت باسشىسىنىڭ جارلىقتارىمەن قازاقستاننىڭ ءۇندىستانداعى يوردانياداعى جانە كاتارداعى ەلشىلەرى تاعايىندالدى، دەپ حابارالادى اقوردانىڭ باسپا ءسوز قىزمەتىنەن.

مەملەكەت باسشىسىنىڭ جارلىقتارىمەن:

بولات سەرعازى ۇلى سارسەنبايەۆ قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى، ول قازاقستان رەسپۋبليكاسىنىڭ يوردان حاشيميتتىك كورولدىگىندەگى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ يراك رەسپۋبليكاسىنداعى، ليۆان رەسپۋبليكاسىنداعى، پالەستينا مەملەكەتىندەگى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى؛

ازامات راحمانقۇل ۇلى بەردىباي قازاقستان رەسپۋبليكاسىنىڭ يوردان حاشيميتتىك كورولدىگىندەگى توتەنشە جانە وكىلەتتى ەلشىسى قىزمەتىنە تاعايىندالدى، ول قازاقستان رەسپۋبليكاسىنىڭ كاتار مەملەكەتىندەگى توتەنشە جانە وكىلەتتى ەلشىسى قىزمەتىنەن بوساتىلدى؛

اسقار جەڭىس ۇلى شوقىبايەۆ قازاقستان رەسپۋبليكاسىنىڭ كاتار مەملەكەتىندەگى توتەنشە جانە وكىلەتتى ەلشىسى قىزمەتىنە تاعايىندالدى.