قازاقستان ەلەكتروندىق ۇكىمەتتى دامىتۋدا وڭتۇستىك كورەيانىڭ تاجىريبەسىن ەسكەرۋدە - ا. جۇماعاليەۆ

استانا. قازاقپارات - قازاقستان ەلەكتروندىق ۇكىمەتتى دامىتۋدا وڭتۇستىك كورەيانىڭ تاجىريبەسىن ەسكەرۋدە.

 بۇل تۋرالى بۇگىن استاناداعى تاۋەلسىزدىك سارايىندا بىرىككەن ۇلتتار ۇيىمىنىڭ Global e-Government Forum-2014   فورۋمى بارىسىندا ينۆەستيتسيالار جانە دامۋ ۆيسە- ءمينيسترى اسقار جۇماعاليەۆ ءمالىم ەتتى.

ونىڭ ايتۋىنشا، قازاقستاندا 2005-2010 -جىلدارى ەلەكتروندىق ۇكىمەتتى دامىتۋعا 43 ميلليارد تەڭگەگە جۋىق قارجى ينۆەستيتسيا سالىندى.

 بۇل سالادا بۇگىندە وڭتۇستىك كورەيانىڭ تاجىريبەسى مول ەكەنىنە توقتالعان ۆيسە- مينيستر: «بۇل ەل ەلەكتروندىق ۇكىمەت باعىتىندا الدىڭعى قاتاردا جانە ايتارلىقتاي قارقىن دامىپ كەلە جاتىر. ءبىز اتالعان ەلدىڭ دامۋى تاجىريبەسىندە ءوزىمىز ءۇشىن قاجەتتى تۇستارىن ەلەكتروندىق ۇكىمەتتى دامىتۋعا الىپ جاتىرمىز»، - دەدى.

 ءوز كەزەگىندە كورەيا رەسپۋبليكاسىنىڭ قاۋىپسىزدىك جانە مەملەكەتتىك باسقارۋ ۆيسە- ءمينيسترى پارك كيۋنگ كۋك 2015 - جىلى وڭتۇستىك كورەيا ەلەكتروندىق ۇكىمەتتى بۇدان ارى قاراي دامىتۋعا 3 ميلليارد  ا ق ش دوللارى كولەمىندە ينۆەستيتسيا سالۋدى كوزدەپ وتىرعاندىعىن اتاپ ءوتتى.

اۆتور: رۋسلان عابباسوۆ