قازاق ونەرىنىڭ ساڭلاقتارى: ايبەك كالەن ۇلى بەگالين
1963 - جىلى 13 - قىركۇيەكتە تسولينوگراد قالاسىندا تۋعان. اكەسى - بەگالين كالەن ساعيدۋللى ۇلى (1928 ج. ت. ) ، «ورتالىق قازگيپروسۋشاردىڭ» ەكسپەديتسيالىق گيدروگەولوگى بولعان. اناسى - قۋرمانالينا زۇلقيا قۇرمانالين قىزى (1930-2003) ، فيزيكا جانە ماتەماتيكا پاندەرىنىڭ ءمۇعالىمى بولعان.
ن. ۆ. گوگول اتىنداعى الماتى كوركەم ۋچيليشەسىن (1983) ؛ ۆ. ي. سۋريكوۆ اتىنداعى ماسكەۋ مەملەكەتتىك كوركەم ينستيتۋتىنىڭ گرافيكا فاكۋلتەتىن (1989) بىتىرگەن. كەسكىندەمەشى، گرافيك.
ق ر كوركەمونەر اكادەمياسىنىڭ مۇشەسى- كوررەسپوندەنتى (2006 - جىلدان) . قىتاي شىعىس حالىقارالىق ينستيتۋتىنىڭ قۇرمەتتى پروفەسسورى (2007 - جىلدان ) .
ش. ايتماتوۆتىڭ شىعارمالارىنا: «عاسىردان دا ۇزاق كۇن» ، «پلاحا» روماندارىنا (2006) ؛ «تەڭىز جاعالاي جۇگىرگەن تارعىل توبەت» پوۆەسىنە (2004) يلليۋستراتسيالار تسيكلىنىڭ، «اۆانتا+» ەنتسيكلوپەدياسىنا يلليۋستراتسيالاردىڭ اۆتورى. سۋرەتشىنىڭ كارتينالارىمەن «ۆوسكرەسەنيە» جانە «ماشينا ۆرەمەني» روك- توپتارىنىڭ DVD-i بەزەندىرىلگەن (2004) . كەسكىندەمەدەگى نەگىزگى باعىتتارى - رەاليزم، فانتاستيكالىق رەاليزم، نەومودەرن. فيلوسوفيالىق جانە مورالدىق- ەتيكالىق وزەكتى ماسەلەلەرگە ارنالعان «بەگاليگرافيا» تەحنيكاسىندا گرافيكالىق سەريالار، بەلگىلى قازىرگى اۆتورلاردىڭ شىعارمالارىنا يلليۋستراتسيالار جاساعان، تاريحي جانە ميفولوگيالىق تاقىرىپتارعا كارتينالار جازادى، تاريحي جانە زاماناۋي قايراتكەرلەردىڭ پورترەتتەرىن سالادى.
تۋىندىلارى ك س ر و بۇكىل وداقتىق كوركەمونەر اكادەمياسى ديپلوم جۇمىستارىنىڭ كورمەسىندە (ماسكوۋ ق. , 1989) ؛ ي. ە. رەپين اتىنداعى لەنينگراد كوركەم اكادەميالىق ينستيتۋتىنىڭ بۇكىل وداقتىق اكادەميالىق ەڭبەكتەر كورمەسىندە (لەنينگراد قالاسى، 1987)؛ 5 رەسپۋبليكالىق كورمەدە (الماتى قالاسى، 1989-1994)؛ ك س ر و رەسەي كوركەمونەر اكادەمياسىنىڭ كورمەسىندە (ماسكەۋ قالاسى، 1992) ؛ قاراعاندى قالاسىنداعى ساۋلەتشىلەر عيماراتىندا جانە كورمو زالىندا («گراال» كورمەسى، 1996) ، «ارت- مانەج-97» كورمەسىندە (ماسكەۋ قالاسى، 1997) ؛ ۆورپسۆەدتەگى (گەرمانيا، 1999) ؛ قازىرگى ونەر مۇراجايىنداعى («سارىارقا» كورمەسى، استانا قالاسى، 2001) ؛ پرەزيدەنتتىڭ مادەنيەت ورتالىعىنداعى («بولاشاققا كوزقاراس» كورمەسى، 2001) كورمەلەردە؛ كايرداعى (2002) ؛ ماسكەۋ قالاسىنىڭ ورتالىق سۋرەتشىلەر ۇيىندە («بونجۋر، جەرالدين!» كورمەسى، 2003) ؛ نوۆوسيبيرسك قالاسىندا («قاراعاندى سۋرەتشىلەرى» كورمەسى، 2005) ؛ «بايتەرەك» كەشەنىندە (2005) ، چجەن- چجوۋ قالاسىندا (ق ح ر، 2007) ، ق ر كوركەمونەر اكادەمياسىنىڭ كورمەسىندە (استانا قالاسى، 2009) ، قازاقستان ماگنيتكاسىنىڭ 50 جىلدىعىنا ارنالعان حالىقارالىق سيمپوزيۋمە- پلەنەردەگى كورمەدە (تەمىرتاۋ قالاسى، 2010) جانە ت. ب. كورمەلەردە قويىلعان. ق ر سۋرەتشىلەر وداعىنىڭ كورمە زالىندا (1989, قاراعاندى قالاسى) ، ارت- گالەرەيادا (قاراعاندى قالاسى، 2002) ، قاراعاندى وبلىستىق بەينەلەۋ ونەرىنىڭ مۋراجايىندا (2003) ؛ پرەزيدەنتتىڭ مادەنيەت ورتالىعىندا (استانا ق. , 2004) ؛ قىتايدىڭ شىعىس حالىقارالىق كوركەمسۋرەت ينستيتۋتىندا (2007)، قاراعاندى قالاسىنىڭ ساۋلەتشىلەر ۇيىندە («قازاقستان- قىتاي» كورمەسى، 2010) جانە ت. ب. جەكە كورمەلەرىن وتكىزگەن. شىعارمالارى ءا. قاستەيەۆ اتىنداعى مەملەكەتتىك ونەر مۇراجايىندا، استانا قالاسىنىڭ قازىرگى ونەر مۇراجايىندا، قاراعاندى مۇراجايلارىندا، «جاڭا عاقليا كەمەسى» ماسكەۋ مۇراجايىندا، ۆاتيكاندا، ا ق ش- تا، گەرمانيادا، فرانتسيادا، جاپونيادا، يزرايلدە، انگليادا، يتاليادا، كۋبادا جانە ت. ب. ەلدەردە قويىلعان.
1988 - جىلدىڭ تامىز ايىنان - ك س ر و كوركەمسۋرەت قورىنىڭ سۋرەتشىسى (قاراعاندى قالاسى) . 1989-2004 - جىلدارى - قازك س ر، ق ر سۋرەتشىلەر وداعىنىڭ قاراعاندى وبلىستىق ۇيىمىنىڭ سۇرەتشىسى.
2007 - جىلدىڭ ناۋرىز ايىنان ءساۋىر ايىنا دەيىن - قىتايدىڭ شىعىس حالىقارالىق كوركومسۋرەت ينستيتۋتىندا اكادەميالىق سۋرەت جانە كەسكىندەمە وقىتۋشىسى (حەينان شەت ايماعى، چجەن- چجوۋ قالاسى) . قازىرگى ۋاقىتتا - قاراعاندى قالاسى ق ر سۋرەتشىلەر وداعىنىڭ سۋرەتشىسى. ك س ر و (1990 -جىلدان) ، ق ر سۋرەتشىلەر وداعىنىڭ مۇشەسى؛ قر سۇرەتشىلەر وداعىنىڭ قاراعاندى وبلىستىق ۇيىمى باسقار- ماسىنىڭ مۇشەسى (2001-2009) . ش. ايتماتوۆتىڭ «عاسىردان دا ۇزاق كۇن» رومانىنا يلليۋستراتسيالار سەرياسى ءۇشىن رف كوركەمونەر اكادەمياسىنىڭ ديپلومانتى (1991) .
ر ف (1992) ، ق ر (2008) كوركەمونەر اكادەمياسىنىڭ قۇرمەت گراموتالارىمەن ماراپاتتالعان. مادەنيەت قايراتكەرى (2004) .
