09:27, 06 - قازان 2014 | GMT +5
پرەزيدەنتتىك ورىنتاققا ەكى ساياساتكەر ايەل تالاسۋدا
استانا. قازاقپارات - برازيليادا جالپىعا ورتاق سايلاۋ ناۋقانى ءوتىپ جاتىر. 143 ميلليونعا جۋىق سايلاۋشىلار پارلامەنتتىڭ تومەنگى پالاتاسىنىڭ جانە سەناتتىڭ ۇشتەن ءبىر بولىگىنىڭ قۇرامىن انىقتاماق.
ەڭ باستى قىزىعۋشىلىقتار مەملەكەت باسشىسىنىڭ ورىنتاعىنان ۇمىتكەرلەردىڭ ماڭىندا وربۋدە. وعان نەگىزگى كانديداتتار - ەلدىڭ قازىرگى پرەزيدەنتى ديلما رۋسسەف پەن سوتسياليستەر كوشباسشىسى مارينا سيلۆا بولىپ وتىر. رۋسەف ءوزىنىڭ ورنىن ساقتاپ قالا الادى دەگەن بولجامدار ايتىلۋدا.
سەبەبى، ول ەلدەگى الەۋمەتتىك ساياساتتى، اتاپ ايتقاندا كەدەيشىلىكپەن كۇرەستى ناتيجەلى جۇرگىزە بىلگەن، ءارى برازيليانىڭ حالىقارالىق ىقپالىن ارتتىرا العان ساياساتكەر. قولداعى مالىمەتتەرگە سايكەس، ەلدىڭ قازىرگى پرەزيدەنتىنە سايلاۋشىلاردىڭ شامامەن 40 پايىزى ءوز داۋىستارىن بەرۋگە ءازىر. الايدا ءبىرىنشى تۋردا جەڭىسكە جەتۋ ءۇشىن بۇل جەتكىلىكسىز.
لاتىن امەريكاندىق رەسپۋبليكانىڭ جاڭا كوشباسشىسىنىڭ ەسىمى تەك 26- قازاننان كەيىن بەلگىلى بولماق، دەپ حابارلايدى ۆەستي.
