08:45, 06 - قازان 2014 | GMT +5
الىپ اكۋلانىڭ شابۋىلىنان سوڭ ا ق ش جاعاجايلارى جابىلىپ قالدى
استانا. قازاقپارات - كاليفورنيا شتاتىنىڭ بيلىگى ا ق ش- تىڭ اسكەري اۋە كۇشتەرىنىڭ بازاسى ماڭىنداعى جاعاجايلاردى ءۇش تاۋلىككە جاۋىپ تاستاعان. وعان ءىرى اق اكۋلانىڭ 28 جاستاعى سەرفينگشىگە شابۋىل جاساۋى سەبەپ بولعان.
وقيعا ەر ادام جاعاجايدان ءبىرشاما شاقىرىم قاشىقتىقتا ءجۇزىپ جۇرگەن كەزىندە ورىن العان. CBS تەلەارناسىنىڭ حابارلاۋىنشا، اكۋلا ەر ادامدى اياعىنان تىستەپ العان. جاراقاتتانعانىنا قاراماستان، ول جاعاجايعا ءوزى جەتكەن سوڭ ونى اۋرۋحاناعا الىپ كەتكەن.
وقيعا كۋاگەرلەرىنىڭ ايتۋىنشا، الىپ جىرتقىشتىڭ ۇزىندىعى 3-4 مەترگە دەيىن جەتكەن.
ايتا كەتەيىك، كاليفورنيا جاعاجايلارىندا مۇنداي جاعداي ءجيى ورىن الىپ تۇرادى ەكەن.
