كاسپي تەڭىزىندە قازاقستاندىق شەكاراشىلار براكونەرلەرگە وق جاۋدىردى

اتىراۋ. قازاقپارات - جەكسەنبى كۇنى كاسپيي تەڭىزىندە شەكاراشىلار براكونەرلەرگە وق اتۋعا ءماجبۇر بولدى.

«الدىن الا مالىمەتتەر بويىنشا، ءۇش سۋ كولىگى - ەكى كاتەر مەن ءبىر بايدا قايىعى ۇستالعان. وق سۋ كولىكتەرىنىڭ موتورلارىنا قاراتا اتىلعان. وقيعانىڭ تولىق ءمان- جايى دۇيسەنبى كۇنى تاڭەرتەڭ ايتىلادى» ، دەپ حابارلادى قازاقپارات تىلشىسىنە اتىراۋ وبلىسىنىڭ تابيعاتتى قورعاۋ پروكۋرورى قايرات وتەۋتىلەۋوۆ.

ايتا كەتەيىك، اتىراۋ وبلىسىندا «بەكىرە» شاراسىنىڭ 10 قىركۇيەكتە باستالعان كۇزگى كەزەڭىنەن بەرى بالىق اۋلاۋدا 51 زاڭ بۇزۋشىلىق تىركەلگەن. سونداي- اق براكونەرلەر مەن الىپساتارلاردان ءۇش كەلى قارا ۋىلدىرىق، 1 توننا 400 كەلى بالىق، ونىڭ ىشىندە 500 كەلى بەكىرە تۇقىمداستار تاركىلەنگەن.