الماتىداعى تەاتردا «قوش كەلدىڭ، قۇربان ايت!» كەشى ءوتتى - فوتو
تۇڭعىش رەت ۇيىمداستىرىلعان يگىلىكتى شارادا باس ءمۇفتي ەرجان قاجى مالعاجى ۇلى جينالعان قاۋىمدى قۇربان ايتپەن قۇتتىقتادى.
«قۇربان ايت - بىرلىك پەن يگىلىكتىڭ مەرەكەسى. بۇل تەك قۇربان شالۋ ناۋقاندىق شاراسى ەمەس. بۇل كۇندەرى كورشىلەر مەن اعايىن- تۋىستاردى ارالاپ، وتباسىمىزدى شاتتىقا بولەۋ - ساۋاپتى ءىس» ، - دەدى باس ءمۇفتي.
شارادا م. اۋەزوۆ تەاترىنىڭ بەكجان تۇرىس باستاعان بەلگىلى اكتەرلەرى قارتتار تۋرالى قويىلىم كورسەتتى. حالىق ءانشىسى ەسكەندىر حاسانعاليەۆ پەن تانىمال ءانشى ساكەن مايعازيەۆ ءان شىرقاپ، «جىگىتتەر» كۆارتەتىنىڭ مۇشەسى باعلان ءابدىرايىموۆ تاعىلىمدى تەرمە ورىندادى.
سونداي- اق «ارلان» كۆارتەتى مەن «ارعىماق» توبىنىڭ ورىنداۋىنداعى ءان مەن كۇي جينالعان قاۋىمنىڭ قۇلاق قۇرىشىن قاندىردى، دەپ حابارلايدى قازاقستان مۇسىلماندارى ءدىني باسقارماسىنان.
