قىزىلوردادا تۇڭعىش رەت بۇيرەك اۋىستىرىلدى

قىزىلوردا. قازاقپارات - سىر مەديتسيناسى تاريحىندا العاش رەت بۇيرەك اۋىستىرۋ وتاسى جاسالدى، - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى نۇرجامال تۇرسىنبايەۆا.

رەسپۋبليكامىز بويىنشا بۇيرەك اۋىستىرۋ وپەراتسياسى وسىمەن ءتورتىنشى مارتە جاسالىپ وتىر. ناۋقاس قىزىلوردا قالاسىنىڭ تۇرعىنى ەرداۋلەت بوزعۇلوۆقا تۋعان قارىنداسى جاڭاگۇل بوزعۇلوۆا دونورلىق جاساپ ءبىر بۇيرەگىن بەردى.

اسا اۋىر بۇيرەك اۋىستىرۋ وتاسىن ا. ن. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ دارىگەرلەرى مەن وبلىستىق مەديتسينا ورتالىعىنىڭ حيرۋرگ دارىگەرلەرى بىرلەسىپ جاسادى. ناۋقاستى ا. ن. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ بۇيرەك اۋىستىرۋ، ەكستراكورپورالدى دەتوكسيكاتسيا جانە ۋروگەنيكولوگيا ءبولىمىنىڭ مەڭگەرۋشىسى، مەديتسينا عىلىمدارىنىڭ كانديداتى اكىمجان زاينالوۆ ەمدەپ جاتىر.

اۆتور: ەلۋباي اۋەزوۆ