14:47, 05 - قازان 2014 | GMT +5
بەلارۋس پرەزيدەنتى قايتىس بولعاننان كەيىن ءوزىنىڭ بيلىك قۇرعان ۋاقىتىنا باسقاشا باعا بەرىلۋىنەن قاۋىپتەنەدى
استانا. قازاقپارات - بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو تاريحي وقيعالاردى ناقتى جەكە ادامعا قاراتا بەيىمدەپ، قاراستىرۋعا بولمايتىنىن مالىمدەدى، دەپ جازادى ۋترو. ru.
ساياساتكەر پەداگوگتەردىڭ رەسپۋبليكالىق كونكۋرسى فيناليستەرىمەن تاريح جونىندەگى پىكىرىسايىس كەزىندە وسىنداي پايىم جاسادى.
«ءبىز ەشقاشان دا، ەڭ الدىمەن، گۋمانيتارلىق پاندەردى بىرەۋدىڭ ىڭعايىنا قاراي باعىتتاۋعا جول بەرمەۋىمىز قاجەت. بۇل ماسەلەگە شىنايى، تيىسىنشە ادال تۇرعىدان كەلۋ قاجەت. ەڭ قاۋىپتىسى، سەن كەتكەننەن كەيىن بارلىعىن قايتا قاراي باستايدى، ءتىپتى مۇلدەم سىزىپ تاستاۋى دا مۇمكىن. بۇلاي بولماۋعا ءتيىس»، - دەپ مالىمدەدى ول.
ا. لۋكاشەنكو شىعارماشىل زيالى قاۋىمدى ءوزىن جانە ءوزىنىڭ پرەزيدەنتتىك كەزەڭىن ماقتاۋعا ماجبۇرلەمەۋگە ۋادە ەتتى.
«ەگەر ينتەلليگەنتتە - سۋرەتشىدە، جازۋشىدا ءوزىنىڭ كوزقاراسى جانە ۇستانىمى بولسا، ايتسىن»، - دەدى بەلارۋس باسشىسى.
