مالايزيا جوعالىپ كەتكەن ۇشاعىن ىزدەۋدى بۇگىن قايتا باستايدى
دەپ حابارلايدى The Guardian.
ىزدەۋ جۇمىستارىنا سۋداعى جانار- جاعارماي قالدىقتارىن تابۋعا سەپتەسەتىن سەنسورلارمەن جانە بەينەكامەرلارمەن جابدىقتالعان ءۇش كەمە تارتىلادى. ولاردىڭ ەڭ العاشقىسى اپات ورىن العان دەپ بولجانىپ وتىرعان جەرگە 5 - قازاندا كەلىپ جەتۋى ءتيىس.
ەستەرىڭىزگە سالا كەتەيىك، كۋالا- لۋمپۋردەن بەيجىڭگە من370 رەيسىمەن شىققان Boeing 777-200 اۋە لاينەرى 227 جولاۋشىسى جانە بورتىنداعى 12 ەكيپاج مۇشەسىمەن 8 - ناۋرىزعا قاراعان ءتۇنى رادار ەكرانىنان جوعالدى. ۇشاق يەسى Malaysia Airlines كومپانياسى ونىڭ ءۇندى مۇحيتىنا قۇلاعانىن ايتادى. رەسمي وكىلدەر ونداعى جولاۋشىلاردىڭ ءبارى دە قازا تاپتى دەپ وتىر. جوعالعان ۇشاقتى ىزدەستىرۋ جۇمىستارىنا بىرنەشە ەل اتسالىسۋدا، ولاردىڭ قاتارىندا ا ق ش، مالايزيا، اۆستراليا مەن قىتاي ەلدەرى بار. ءالى كۇنگە دەيىن اتالمىش ۇشاق تۋرالى ەشبىر دەرەك جوق.
