گايتيدىڭ بۇرىنعى ديكتاتورى كوز جۇمدى

استانا. قازاقپارات - گايتيدىڭ بۇرىنعى پرەزيدەنتى جان- كلود ديۋۆالە 63 جاسىندا جۇرەك تالماسىنان ءوز ۇيىندە كوز جۇمدى، دەپ حابارلادى Associated Press ونىڭ ادۆوكاتىنا سىلتەمە جاساپ.

ءوزىن ءومىر بويى پرەزيدەنت دەپ جاريالاعان ديۋۆالە كوتەرىلىس سالدارىنان تاقتان تايدىرىلعان بولاتىن. ول 25 جىل بويى قۋعىندا بولدى.

2011 - جىلى ەكس- ديكتاتور گايتيگە قايتىپ ورالدى. ول ەلدى 19 جاسىندا ديكتاتور- اكەسى فرانسۋا ديۋۆالەدەن «مۇراعا» الىپ، باسقارعان ەدى. وعان جۇرت دارىگەر بولعاندىقتان «پاپا دوك» دەگەن اتاق بەردى.

 ءوز كەزەگىندە جان- كلود «بەبي دوك» اتاندى. ول الەمدەگى ەڭ جاس پرەزيدەنت بولدى جانە ەلدى 1971 - جىلدان باستاپ 15 جىل بويى باسقاردى. ونىڭ كەزىندە ەل جاعدايى ديكتاتۋرا اكەسىنە قاراعاندا ازداپ جاقساردى.