ب ق و اكىمى اراق ءىشتىڭ دەپ سوككەندەرگە وكپەلەپ قالدى

استانا. قازاقپارات - قاراعاندى وڭىرىندە وبلىس پەن قالا اكىمدەرىنىڭ تۇتقىندالۋى ولاردىڭ باسقا ايماقتارداعى ارىپتەستەرىن ويلاندىرىپ تاستاعانداي.

كەشە استاناعا ەسەپ بەرۋگە كەلگەن باتىس قازاقستان وبلىسىنىڭ اكىمىنە تىلشىلەر: «بيلىكتە ءجۇرىپ ابدىشيەۆتىڭ كەبىن كيەمىن دەپ ويلايمايسىز با؟» دەگەن سۇراق قويىپ ەدى، نۇرلان نوعايەۆ «ول تاعدىر، سوندىقتان تۇرمەدەن دە قاشىپ قۇتىلا المايسىڭ» دەپ تەرەڭ كۇرسىنە جاۋاپ بەردى.

نۇرلان نوعايەۆ، باتىس قازاقستان وبلىسىنىڭ اكىمى:

- ەشكىم ەرتەڭ ءوزىن نە كۇتىپ تۇرعانىن بىلمەيدى. ءسىز وسى زالدان شىققان سوڭ نە بولاتىنىن بىلمەيسىز عوي. بولجاي دا المايسىز. سول سياقتى.

سونداي-اق، نوعايەۆ ورالداعى سوروچين جارمەڭكەسىندە بولعان جايتكە تۇسىنىكتەمە بەردى. جاقىندا وبلىس باسشىسىنىڭ ءبىر رومكە اراق ءىشىپ تۇرعان سۋرەتى جاريالانىپ سوڭى ۇلكەن داۋ تۋعىزعان بولاتىن. ءبىراق اكىم قوناققا بارعاندا اشى سۋدان ۇرتتاپ تۇراتىنىن جاسىرعان جوق. «مەن دە اداممىن» دەگەن نۇرلان نوعايەۆ جارمەڭكەدە ۇسىنىلعان اراقتان باس تارتا الماعان. ءوز ارەكەتىن دۇرىس سانايتىن اكىم بۇدان شۋ شىعارعانداردى تۇسىنبەيتىنىن ايتىپ وكپەلەپ قالدى.

- ءبىر رومكە عانا. سول ءۇشىن وسىنشاما شۋ. تۇسىنبەيمىن.

ktk