ستەرويد سيىرلارى قۇرباندىققا قاۋىپ توندىرۋدە
ناقتىراق ايتقاندا، وڭتۇستىك ازيانىڭ وسىناۋ ەلىندە سيىرلاردىڭ ستەرويدپەن قورەكتەنگەنى تەكسەرىلەتىن بولادى.
وسى ماقساتتا ارنايى مەديتسينا بريگاداسى جاساقتالدى. ويتكەنى، ستەرويدپەن قورەكتەنگەن ءىرى قارانىڭ ەتىن جەگەن ادام وبىرمەن سىرقاتتانىپ، بۇيرەگىندە اقاۋ پايدا بولۋى مۇمكىن.
بۇل جايىندا بانگلادەشتىڭ اگرارلىق ۋنيۆەرسيتەتىنىڭ پروفەسسورى ءابدىسامات مالىمدەدى. قۇربان ايت قارساڭىندا فەرمەرلەر مالدىڭ تەز ەت الىپ، سەمىرۋى ءۇشىن ءىرى قارالارعا كانسەروگەندى ستەرويدتى جەمنىڭ ورنىنا بەرىپ جاتىر دەگەن اقپارات تاراعان بولاتىن.
بۇل ەلدە قۇربان ايت كەزىندە ارتاتىن سۇرانىسقا بايلانىستى ساۋىرىنان جارىلارداي بولىپ سەمىرگەن ءبىر ءىرى قارا 400 دوللارعا دەيىن ساتىلادى.
بانگلادەش مۇسىلمانداردىڭ قاراسى كوپ الەمدەگى ءۇشىنشى ەل. بۇل ەلدە شامامەن 148 ميلليون مۇسىلمان جاماعاتى بار.
